Supreme Court chuan February 10 khan Hindu Sena president-in India rama British Broadcasting Corporation (BBC) te khap tura a ngenna leh BBC leh an hnuaia hnathawk te chu ‘anti-India leh anti-Indian government’ zawnga an report leh film te hmanga chetla tia khap tura a tihna chu a hnawlsak.
Bench of Justices Sanjiv Khanna leh M.M. Sundresh te chuan Vishnu Gupta petition chu ‘hresual chhiava’ tiin a sawi.
Senior advocte Pinky Anand, petitioner aiawha ding chuan sorkar berin BBC documentary ‘India: The Modi Question’ tih chu India economic power san chhoh lai taka ‘anti-India propaganda’ kalpui tiin a block a ni a ti a.
“Vawiin hian Indian chhuak British Prime Minister a ni a. India hia economic power sang mek a ni,” tiin a sawi a.
“Chu chu eng nge? Engkim khap veka dah turin min duh tihna em ni?” tiin Bench chuan a chhang let thung.
Petition chuan BBC film chu India rama remna leh muanna mai bakah national integrity a ruka tichhe tura chetlakna tia sawiin, ‘India chu kum 2014 atangin Prime Minister Narendra Modi kaihhruaina hnuaiah a sang tual tual a ni’ a ti bawk a.
“Anti-India lobby leh media, a bik takin BBC te chuan India national growth chu hmu thei hauh lovin hma an la a ni. Home Ministry hnena January 27 a representation siam chuan engmah chhanletna an la siam lo” tiin petitioner chuan a sawi bawk a.
Court chuan he petition hi bawhzui tlak a ni lo tiin a hnawlsak zui ta a ni.