2023 BBMA an sem takah Mariah Carey chuan a Krismas hla hit, “All I Want for Christmas Is You’ a perform a, award show-a he hla hi a sak vawi khatna a ni. Carey chu figure skater dress vara inthuamin, go-go boots leh sunglass nen a rawn ding chhuak a, ‘ice-skating rink’ anga siam lai takah dingin lamthiam rualin an tleng hual siau siau bawk a. A chuai thei lo, he hla zet hi chu 1994-a a tlangzarh kha ni daih tawh mah se vawiin thlengin Krismas vuakvet khawvel huapa hla lar ber pawl a la ni thei reng a, 2019 atang phei kha chuan Billboard Hot 100 (singles) chart-ah December thla chhungin kumtin a la No.1 ziah nghe nghe a ni.
Carey hi stage-a a perform bakah he hla avang hian Billboard Chart Achievement Award hlan a ni a, a award dawn hi a fa phir, kum 12 mi, Monroe leh Moroccan ten an hlan.
BBMA-a Carey a faten award an hlan
