Daily Newspaper

BCM-in bial rorel inkhawm nei

48

Mizoram Baptist Kohhran hnuaia Pastor bial 88 chuan October 2 leh 3 khan bial rorel inkhawm an hmang.

Kumin hian BCM calendara tarlan Pastor Bial Inkhawmpui leh rorel neih hun tura ruat, October 2-4 chu Covid-19 leng mekah inkhawmpui neih theih a nih tak loh avangin rorel chauh neih a ni ta a. Rorel tur pawhin fellowship hrang hrang leh kohhranpuiah mi 50 aia tam lo ruat an ni.

Pastor bial tam zawkah chuan Zirtawpni khan TKP, BKHP leh BMP ten bial huap rorel inkhawm an nei a; Inrinni ah kohhranpui rorel neih niin, rorel inkhawmah hian kumdang ang loin bial executive member-te bakah tualchhung kohhrana TKP, BKHP leh BMP office bearers chauh an tel a ni.

BCM Pastor bial hrang hrang rorelah hian bial inrelbawlna tur pawimawh bakah rampum huap thu pawimawh Area Baptist Council (ABC) a thlen turte sawi ho a ni.

Mizoram Baptist Kohhran Administrative Committee thurel angin, Covid-19 leng vanga khawvel leh Mizoram dinhmun thlirin, hmalam huna inkhawmpui pawimawh bial huap inkhawmpui hrang hrang – TKP, BMP, BKHP leh KNP inkhawmpuite, Pastor bial inkhawmpui leh ABC inkhawmpuite chu kumin atan chuan nei loin, rorel chauh neih ni se tiin thu a dah tawh a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy