Be (beans) lam chi thatna hi kan ngaihhai fo thin a, protein an pai hnem a, sa ei lo mi tan phei chuan be lam chi te hi ei ngei ngei tur niin an sawi. Digestive system-ah chaw dang aiin an cham rei zawk a, chuvangin mi a tipuar rei a, intih cher duh tan pawh be lam chi ei tam a pawi lo viau ang.
Tun tumah hian Times of India health section-in bean thatna ni a an sawi te kan rawn tarlang e.
Soluble fiber a pai hnem avangin lung (heart) tan chaw tha tak a ni a, cholesterol leh triglyceride level pawh a tihniam thei. A be a zirin fiber an pai tam dan erawh a inang lo thei a, mahse, a tlangpui thuin be lam chi reng reng gram 100-ah fiber 5-8.6 grams vel awm anga chhut a ni.
Mithiam te chuan puitling tan kar khatah be chu no thum (3 cups) vel tal ei a tha niin an sawi a, chutiang zat kan ei chuan cancer leh natna benvawn thenkhat risk a hniam phah thei niin an sawi.
Dietary Guidlines for Americans-ah chuan thlai protein pai tam ei hnem tur a ni a, be no chanve-ah protein gram 7 vel awm angin an chhut a, chu chu arsa emaw sa dang emaw, gram 30 vela protein awm nen a intluk vel niin an sawi. Be-ah hian carbohydrate leh protein a inchawhpawlh mawi tawk hle a, glycemic index-ah a hniam leh bawk.
Bean thatna
