Bayern Munich chuan Pathiannia mual liam ta Franz Beckenbauer chawimawina leh thlahna atan an stadium Allianz Arena chu mawi leh langsar takin an ti-eng.
German legend hi kum 78 mi niin Austria rama a chenna hmunah a nupui fanau leh tu leh fate hual laih chungin a thi a, Bavarians chuan an legend thihna an sun kal mek a, a chawimawina atan stadium-ah eng ropui tak an chhi mek a ni.
Bayern Munich tana match 582 khel tling ‘Der Kaiser’ hian Bayern thuam a inbel lai khan league title pali la tlingin, German giants-in kum 1974, 1975 leh 1976-a European Cup cham-pion an nih tum khan captain a ni nghe nghe.
An stadium an tihen chungchanga thuchhuah an siamah Bayern chuan engkim avangin Franz Beckenbauer lakah lawmthu an sawi tih an tarlang a, ‘Kaiser’ hriatrengna leh chawimawina atan Allianz Arena chu zan lamah hun bituk siamin an tieng thin dawn tih an tarlang.
Naktuk, Zirtawpni zana TSG 1899 Hoffenheim an mikhual hunah pawh eng hi an chhi dawn a ni.
Germany great Beckenbauer hian tum hnih Bayern-ah manager hna a lo thawk tawh a, churtih chhung chuan kum 1994 khan Bundesliga title lakpuiin, kum hnih hnuah head coach ni chungin Uefa Cup-ah a champion-pui leh bawk.
Kum 1994 atanga 2009 chhung khan Bayern club president a lo ni tawh bawk a, Bayern Munich chuan mi pawimawh thi ta chu an sun mek tih thuchhuah siamin an tarlang.
Beckenbauer pualin Allianz Arena an kap eng
