Daily Newspaper

Beirut port warehouse puak chhui chiang mek zel

25

Beirut port official thahnem tak te chu thawhlehnia thil puak nasa tak chhuina kal zelah pawnchhuak thei lova siam an nih thu Lebanon sorkar chuan a sawi.

Kha thil puak turu tak avang khan mi 135 velin nunna an chan tawh a, mi 4,000 chuangin hliam an tuar bawk a, state of emergency karhnih chhung atan puan a ni bawk.

President Michel Aoun chuan thil puak chu ammonium nitrate 2,750 tonnes warehouse a dahkhawm puak a nih thu a sawi a.

Customs chief Badri Daher chuan an agency te chuan heng chemical te hi dah sawn tura an lo tih tawh thu leh mahse dahsawn a nih loh thu a sawi a. Heng Ammonium nitrate te hi agriculture fertiliser leh explosive atana hman thin a ni.

University of Sheffield UK a specialist te chuan Beirut-a thil puak chu Japanese khawpui Hiroshima a Indopui II laia atom bomb thlak nat zawng hmun sawma thena hmun khat ang a nih thu sawiin ‘nuclear ni lo khawvela thil puak tawha turu ber’ tiin an sawi.

Engin nge thil puak siam?
Ammonium nitrate hi hi Beirut port-ah kum ruk lai a phurtu lawng kum 2013 a man a nih atanga awm tawh nia sawi a ni.

Beirut port leh custom thuneitute chuan judiciary hnenah tum tam tak heng chemical te hi hmun dang sawn tura ngenna an siam tawh thu an sawi.

Port General Manager Hassan Kraytem chuan OTV hnenah he chemical hi a tira court-in warehouse a dahthat rih tur a tih atangin a hlauhawm tih an hriat thu leh mahse tun ang em em anga pawi khawih thei a nih leh hlauhawmna turu chu an hre lo niin a sawi.

Lebanon’s Supreme Defence Council chuan he thil puak awm theih chhana mawhphurtute chu hremna na ber pek an nih tur thu a sawi bawk.

Economy Minister Raoul Nehme chuan, “Thil fel lo tam tak a awm a, management khawihtu leh sorkar hmasate pawhin an mawhphurhna an hlen lo a ni. He thila mawhphurtu te ngawihbopui mai mai kan tum lo,” tiin a sawi.

Port official te kum 2014 atanga paperwork khawih leh ammonium nitrate dahkhawm lo vengtu thin te pawh pawn chhuak thei lova thil chhui chhung chu dah vek nghal an nih thu Information Minister Abdel Samad chuan a sawi bawk.

Ammonium nitrate hi Moldovan-flagged ship Rhosus in Georgio atanga Mozambique a pannaah a khawl lama harsatna a tawh avangin Beirut port hi a lut a.

Moldovan lawng Rhosus hi enfiah niin chumi hnuah Beirut lawngchawlhna a chhuahsan hi remtih a ni lo zui a, a hnu zelah he lawng neitu hian a rauhsan zui a, chumi hnuah neitu nihna inchuhna tam tak awm zuiin a thil phurh ammonium nitrate chu warehouse-ah a him zawk nan dah a ni ta a ni.

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy