Daily Newspaper

Belarus-ah mi sang tam tak lungawi lo pungkhawm

11

President thlanna neih tura a khingtu tur thlawp mi sang tam tak te chu opposition te laka khuahkhirhna nasa taka kalpui a ni chungin Belarus khawpuiah pungkhawmin lungawilohna an lantir.

Misnk khawpuiah mi 60,000 chuang an pungkhawm niin human rights group Viasna te chuan an sawi a.

Rally hi Belarus president hun rei tak ni tawh inthlana khin tum Svetlana Tikhanovskaya huaihawt a ni.

President Alexander Lukashenko chuan a term ruk nana intlan chuh leh a tum avangin sawiselna a tawk nasa hle a.

Lukashenko hian kum 1994 a thuneihna a chan atangin Soviet hunlai style takin Belarus chu a duh dan danin a thunun a ni.

Tikhanovskaya hi politics a inhmang ngai lo a ni a, mahse, kumin president thlanna neih turah a pasal chu a chuh phal sak lova Jail-a khung a nih avangin chuh a tum ta a ni.

Amah thlawptute chu Minsk square-ah pungkhawmin ex-Soviet rama opposition protest a punkhawmna lian ber a nih thu AFP news agency te chuan an sawi a. Flag te vaiin opposition slogan ziahna balloon te chhuah a ni bawk.

“Nun duhawm neih duh mipuite hi misual an ni lo” tiin Tikhanovskaya chuan a sawi a. “kan mite an ni a, mipui thuneihna ralmuang taka thlakthleng duh an ni” tiin a sawi bawk a.

“I chhia leh tha hriatna kalhin che suh la, mipui te kalhin che suh” tiin a sawi bawk.

State thuneitute chuan a hmain Tikhanovskaya pasal Syarhey Tsikhanouski chu Russia in hlawh neia a rawih te nena tangkawpa inthlan hmaa buaina siam tumah an puh a ni.

Ningani khan thuneitute chuan hlawh neia Russia-in a rawih nia a rinhlelh mi 33 te a man bawk a, chung mite chu firfiakna kalpui tumah a puh bawk. Russia chuan thil hriat fiah a duh thu sawi zuiin Belarus in a puh Wagner paramilitary group te chu a hriat ve loh thu a sawi bawk.

Secretary of the Belarus Security Council, Andrey Rawkow chuan Russian mercenary 200 chuangin Belarus lutin inthlanna tihkhawloh an tum tiin a sawi bawk.

Rawkow chuan Russian an man zinga 14 te chu Ukraine a Sonbas inbeihnaa tel tawh niin a sawi bawk.

UN investigator, US military leh journalist te chuan Wagner group te hi a hmain Ukraine, Syria, Libya, Sudan leh Central African Republic-ah te chet an lo la tawh niin an sawi a. Russia sorkar chuan Wagner group te nen inzawmna an neih loh thu a sawi bawk.

State TV channel Belarus 1 chuan Belarus KGB tena an man Russian te hi an thlalak a tilang a, heng mite hi invawng fel tak, sipai ang chiaha inkhuahkhirhna tha nei niin zu pawh induh lo an ni.

Heng Russian khua leh tui an man te hian Sudanese pawisa an kawl a, Sudanese phone card an keng bawk a, Wagner group te hi Sudan a chetla tam niin Belarus hi African operation an neihnana an luhka pawimawh ber nia sawi a ni bawk. Wagner group te hi Russia din nia puh a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy