Daily Newspaper

Belarus-ah sorkar duh lohna lantir chhunzawm

29

Belarus khawpui Minsk leh khawpui dang dangah President Alexander Lukashenko duh lohna lanrtirna a zawna kar li chhung neih a nih hnuah police ten mi 100 chuang an man.

Minsk khawpuiah heng lungawi lote hi presidential palace hnaiha lungawi lohna an lantir avangin pepper spray leh wielding baton hmangin beih an ni a.

Mi sing tam takte chuan security khauh tak pawisa lovin khawpui chhungah kawngzawhna an nei zui zel a ni.

Mipui lungawi lote chuan president Lukashenko chu bang turin an duh a, thla kaltaa inthlana a tlinna chu ballot-rigging vangah an puh a ni.

Inthlan result puan hnu atangin lungawi lohna lantirin Belarus chu a nuai a, mi paliin nunna chan phah tawhin mi za tamin hliam an tuar phah tawh bawk.

Belarus opposition hming langsar thahnem takin ram an tlanchhiat san tawh a. Chung zingah chuan Inrinni khan activist Olga Kvalkova chu telin thenawm Poland ramah a tlanchhia a, hei hi lung in tan tira vau a nih vang a ni.

Lukasehnko hi kum 1994 atang khan Belarus ah thuneitu berin a la awm ta char char a, tuna mipui lungawi lohna thlengah khawthlang ram te chu a puh zui bawk.

Kovalkova hi Poland ah tlanchhe lo se chuan jail-ah rei tak tantir tur a ni a. Belarus chhuahsan a remtih avangin security force-te chuan border post bul thlenga phurin chumi hnuah Poland-ah Bus a phurh a ni.

Polish Prime Minister Mateusz Morawiecki chuan Belarus-a nghaisak tawkte chu an ramin an chhawmdawl leh mikhual tur thu a sawi nghal thung.

Kar kalta Zirtawpni khan opposition leader Lithuania-a tlanchhe mek Svetlana Tikhanovskaya chuan UN chu opposition nghaisak tihtawp a nih theih nana inrawlh turin a ngen bawk.

Kum 37-a upa Tikhanovskaya hi Lukashenko elpui ber niin a pasal Sergei Tilkhanovskya chu lung in ah khung a nih hnuah Lukashenko hmachhawn tura penchhuak a ni.

Hetihlai hian EU leader-te chuan Belarus chu hrek remti tawhin Belarusian official election-rigging a inhnamhnawih leh lungawi lote laka hleilenna kalpuitute chu an asset freeze sak a remti tawh a. Engtiang chiangin nge hrekna a kalpui tur erawh puanchhuah a la ni lo.

Hetihlai hian Lukashenko thung chuan vote-rigging a awm loh thu sawiin EU ram, a bik takin Poland leh Lithuania te chu a sorkar paihthlak tumah a puh a ni.

Kum 66-a upa Lukashenko chuan Belarus humhim a tum tlat thu a sawi zui bawk a. Kar kalta Ningani khan Russia a hnaih zual tawh thu sawiin lungawi lohna lantir chuan thutlukna pawimawh a siam tir thu a sawi bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy