Benson Boone hla hit ‘Beautiful Things’ chu kar khat chhunga khawvel huapa hla lar ber niin, Billboard Globakl 200 chart-ah a No.1 a, he chart-a kar ruk a No.1-na a ni ta. Hetihrual hian Beyonce-i’n top 10-ah hla hnih neiin, Artemas & ILLIT te pawh top 10-ah an lang.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
Benson Boone ‘Beautiful Things’ hian stream maktaduai 85.6 leh download sales 17,000 a la nei thei a, hei hi chart-ah No.2 atangin No.1 a kaipui leh ta a ni.
Kar kalta chart No.1, Future, Metro Boomin leh Kendrick Lamar ‘Like That’ chu No.1 atangin No.2-ah a tawlh a, chart No.1 hlui Beyonce ‘Texas Hold ‘Em’ chu No.9 atangin No.3 a kai thar ve leh a, chart No.1 hlui bawk Ariana Grande ‘We Can’t Be Friends (Wait for Your Love)’ chu No.3 atangin No.4-ah a tawlh ve thung.
Artemas ‘I Like the Way You Kiss Me’ chu stream maktaduai 64.6 leh sales 3,000 neiin No.19 atangin No.5 a kai a, he hla hi Global 200 chart-a Artemas hla lang thei hmasa ber a ni. English-Cyproit artist Artemas hian TikTok chhawr tangkaiin top 5 a kai a tih theih hial ang.
South Korean group ILLIT ‘Magnetic’ pawh stream maktaduai 56.3 leh sales 3,000 tlingin No.63 atangin No.8-ah a invawrh a, he hla hi an album ‘Super Real Me’ atanga an single a ni.
Beyonce hla dang, Miley Cyrus a thawhpuina, “II Most Wanted’-in stream maktaduai 42.9 leh sales 15,000 neiin No.10-ah a debut a, Beyonce tan he chart top 10-a lang thei hla pathum a neihna niin, Miley Cyrus tan a palina a ni ve thung.
Billboard Global 200 Top 10:
1 Beautiful Things – Benson Boone
2 Like That – Future, Metro Boomin & Kendrick Lamar
3 Texas Hold ‘Em – Beyonce
4 We Can’t Be Friends (Wait For Your Love) – Ariana Grande
5 I Like The Way You Kiss Me – Artemas
6 Too Sweet – Hozier
7 End Of Beginning – Djo
8 Magnetic – ILLIT
9 Lose Control – Teddy Swims
10 II Most Wanted – Beyonce & Miley Cyrus
Benson Boone ‘Beautiful Things’ a lar ber
