Daily Newspaper

Berrettini a inhnukdawk

12

Tokyo tan duai ruaiah Tennis khel lo tur an pung zel a. Wim-bledon 2021 finalist Matteo Berrettini chu Tennis inelna hmachawn lo tur thar lam ber a ni.

Kum kal meka che-tha, a vawikhat nan Grand Slam final thleng ta hial Berrettini hian a malpuiah hliam a tawrh thu a tarlang a. A duh anga a dam chian loh vangin hreh tak chunga a inhnuhdawh a ngaih tak thu Instagram lamah a tarlang. World No. 8 hian MRI an tih hnuah beisei angin a dam chiang lova, dam chiang lo chunga inelna hautak hma-chhawn chu tih chi a nih loh thu a sawi. “Tokyo ka pan thei lo tur hi pawi ka ti tak zet a, Italy team chungah ngaihdam ka dil ni. Ka chau in, ka dam chiang lo em a, hahchawlh ka mamawh em em a, min hriatthiam ka beisei”,tiin a tarlang. Tokyo Olympic-a inlan turte hming thehluh kim hun a tawp tawh vangin Italy chuan Matteo Berrettini hmunruak luahtu tur koh an tum tawh loh thu an sawi.

Mipa lama player langsat tak tak Rafael Nadal, Roger Federer, Dominic Thiem leh Stan Wawrinka te an inhnuk-dawk tawh a. No 1 Novak Djokovic a inlan theih dawn laiin Matteo Berrettini chuan a inlan theih loh tur thu a puang chhuak zui ve leh thung. Hmeichhe lamah pawh inlan thei lo tur an awm nual a, Serena Williams, Simona Halep, Kerber, Johanna Konta, And-reescu te an inhnuhdawh hnuin Cauf chu Covid 19 vangin a inlan thei dawn lo bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy