‘Bharat’ in inhnialna India ramah siam

President Droupadi Murmu in G-20 guest te hnena sawmna a thawnchhuahah “President of Bharat” tih a hman avangin Narendra Modi sorkar chuan September 18 atanga tan tur ni nga chhung Sepcial Session of Parliament neih turah “India” tih chu “Bharat” tia official a thlak tumna a nei thei tia sawi a ni.
He thil thleng hian India ramah politics temperature a tisang hle a, legal fraternity zingah pawh ram hming thlak turin constitutional amendment a ngai em tia ngaihdan inang lo a awm nuai bawk.
“A nihna takah chuan Bharat leh India chu hman tawn theih a ni a, a bik takin Indian Constitution Hindi version bikah phei chuan a ni zual a; mahse, sorkar hian hming pakhat zawk hman bur tur a ti thei lo, chutiang chu a rem lo thung” tiin senior Supreme Court advoctae leh Congress member Abhishek Singhvi chuan a sawi a.
Singhvi hi Chairman of the Parliamentary Standing Committee on Law and Justice niin sorkarin hming pakhat ‘Bharat’ chauh hman tur a ti a nih chuan emaw pakhat zawk hnawl tur a tih chuan amendment siam a ngai ang, a ti bawk.
Additional Solicitor-General hlui leh senior Supreme Court advocate Aman Lekhi chuan official-in “Republic of India” tih a ni a, G-20 Presidency-ah pawh “Indian Presidency” tia hriat a ni a ti a. Hming thlak a nih dawn chuan Article 368 hnuaiah constitutional amendment siam a ngai ang, a ti bawk a.
“Hming thlak theih a ni a, a tul ber em tih zawk a ni? Thil thenkhat inhnial buai ngai miah lova dah tur chi a awm a, chung zingah chuan ram hming chu a chungnung berah a awm ang” tiin Lekhi chuan a sawi bawk a.
Top constitutional expert pakhat a hming tarlan duh lo chuan “President of Bharat” tia sawmna sem chhuah chuan engmah pawi a khawih lo a ti a. Mahse, chu chu English language hnawlna rahbi pawimawh anga ngaih chi a ni lo a ti thung a.
“Article 348(i) of the Constitution chuan Supreme Court leh High Court a proceedings tin te chu Parliament-in dan a siam a nih loh chuan English language a tih tur a ti a ni” tiin a sawi a. “Dan siama siamthat an duh a nih chuan federal issue a ni tawh” tiin a sawi bawk.
Government bill language avanga inhnialna hi thla kaltaa Home Minister Amit Shah-a’n Monsoon session Lok Sabha-a Indian Penal Code, Code of Criminal Procedure and the Evidence Act te thlakna tura Bharatiya Nyaya Sanhita, Bharatiya Nagarik Suraksha Sanhita leh Bharatiya Sakshya Bill a put luh atanga intan tawh a ni a.
August 25 khan Law Minister Arjun Ram Meghwal chuan Bill te chu criminal justice system Indianise tumna tiin a sawi a. Modi ngeiin Indian tradition rilrua dah chungin sorkar function te kalpui theih a ni lo em ni a ti a ni, a ti a. “Hei vang hian thutlukna liantham tak sam niin Indian Penal Code, Criminal procedure Code leh Indian Evidence Act te chu reform leh amend tum a ni” tiin Meghwal chuan a sawi.
Prime Minister of Bharat
G20 leader te sawmna thawnchhuaha Droupadi Murmu in ‘President of Bharat’ a intih avanga inhnialna nasa tak awm mek laiin Narendra Modi pawh ‘Prime Minister of Bharat’ tih a ni zui nghal bawk.
20th ASEAN-INDIA summit Indonesia a neih tur leh 18th East Asia Summit neih Nilaini leh Ningani a neih turah Modi chuan ‘Prime Minister of Bharat’ tih a hmang a ni.
Function note hi BJP national Spokesperson Sambit Patra cuan X ah post in chutah chuan document khatah ‘ASEAN-India Summit’ tih leh ‘Prime Minister of Bharat’ tih chu huang khatah dah a ni.
“Modi sorkar an buai nuai vek tawh! 20th ASEAN-India summit Prime Minister of Bharat. Hetianga drama kalpui a nihna chhan hi Opposition tangrual tena INDIA an intih vang a ni” tiin Congress General Secretary Jairam Ramesh chuan a sawi zui nghal thung.
Hetih lai hian G20 Summit September 9 leh 10 a neih tura Indian officials te identity card-ah chuan ‘Bharat-Official’ tia dah a ni zui nghal tawh bawk.