Daily Newspaper

Biden a chak chuan China a chak : Trump

14

US vice president hlui Joe Biden chuan politician kum sawmnga vel a nih chhungin nasa takin US economy a tichhia tiin President Donald Trump chuan a sawi a, Democratic leader in November 3 inthlanah chakna a chang a nih chuan China chakna a ni mai, a ti bawk.

Kum 77-a upa Biden leh a running mate Kamala Harris te chuan president tang lai Trump leh vice president Mike Pence te chu presidential election ah an khing dawn a ni.

Biden hian tun hnai kum 47 chhung chu in hna te China leh foreign ramah a thawn chhuak vek a ni. Tun hnai kum lo chhungin chung hnate chu Ohio-a laklet hna ka thawk char char thung, tiin Trump chuan Dayton, Ohio a rally a neihnaah a sawi.

Republican leader chuan November 3 inthlan chu tun hnaia inthlanna neiha pawimawh ber, a ti bawk a. “November 3 ah Americans te chuan kan ram dinhmun sang zawka daha malsawmna nasa zawka dah nge Joe Biden – Sleepy Joe- hnenah daha kan economy shutdown a, USD 4 trillion tax tihsan a, Ohio clean coal, oil leh natural gas tihtawp a, in hna te ram dang China-ah leh rama hming pawh in la hriat ngailohah te thawnchhuah thlan a ni dawn,” tiin Trump chuan a sawi.

Democratic tena 2020 election list an siamah tun hnai kum sawm chhungin chhiah USD 4 trillion vel a tahtawla tihsan an tum a, super-rich category te-ah chhiah sang zawk lak an tum a ni.

“Awlsam takin Biden a chak chuan China a chak tihna a ni a. Kan chak a nih chuan Ohio a chak a, a pawimawh ber zawk chu America a chak tihna a ni. A chhan chu a tawpah chuan president America dah hmasa bertu in nei a, America hi ka dah hmasa ber a ni,” tiin Trump chuan a sawi.

Trump chuan coronavirus leng karah tun hnai kar hnih chhungin election rally a nei reng a. Mi sang tam tak te chuan hmaikawr vuah lo leh social-distancing norms bawhchhiain an tel a. Trump chuan a rally kalpui chu ‘mawlna duhlohna’ tiin a vuah bawk.

“Rally pawh a ni chiah lo. Hnathawktu leh programme leh kan duh thil te zawk a ni a. A nihna takah chuan ‘friendly protest’ a ni zawk a. Kan duh loh in hre vek a. Mawlna kan duh lo va, a chhan chu thil mawl thlak tam tak in hmu a ni,” tiin Trump chuan a sawi.

Trump chuan mipui ten Biden-a’n a politics khelh kum 50 vel chhunga economy a tihchhiat nasat zia an hria a ni, a ti bawk a.

“In awih em? Kum 47 chhung chu Joe Biden an American workers te chibaiin chumi hnuah an hnung lamah a vit zui a. ‘Washington mulukawlh’ a ti a, han ngaihtuah teh u’ tiin a sawi bawk.

Kum 47 chhung a tihngai a ti a, keiin kum thum leh a chanve hna ka thawk chauh a, min hneh mai thei ang tih te pawh ka ngaihtuah a. Tawnhriat a ngah fe zawk a. A ropui a, a mawi bawk a. Mahse, a phatsan che u a ni. A bum che u a. A nghaisa che u a. Chuvang chuan a nia Joe Biden hi kan chawlh tir a ngaih tawh ni, tiin Trump chuan a sawi bawk.

Biden hian North American Free Trade Agreement (NAFTA) a chiampion pui a, China chu World Trade Organization (WTO) ah a luhtir bawk, tiin Trump chuan a sawi bawk a. NAFTA chuan US economy-ah nghawng chhe tak neiin WTO a China lut chuan rocket ang maiin a san chhohtir a ni, a ti bawk.

World Trade Organization chuan China chu developing ram angah a ngai a, developing ram an ni lo. Developing ram anga WTO-in a ngaih tlat avangin remchanna neiin chu chu kan duh lo a ni, tiin Trump chuan a sawi bawk.

Vice president a nih lai pawhin Biden chuan engmah tih a nei lo, China in intellectual property a ruk a, dumped goods hmanga market a luantir, diklo taka a industry-a subsidy leh a currency manipulation a kalpui lai pawhin Biden an engmah tih a nei lo, tiin Trump chuan a sawi bawk.

“Kan community te chu fentanyl tûr hmangin min hrai a. Biden chuan China chu kan khua, factory te leh kan community te phindarh tir a remti a, chu chu an ti ta ngei bawk a ni,” tiin Trump chuan a sawi bawk. US chuan thla kalta khan opioid khap fentanyl tawlhtute tiin Chinese khua leh tui thahnem tak a hrek a ni.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy