Daily Newspaper

Big Sean ‘Detroit 2’ Billboard 200 No.1-ah a debut


Big Sean album thar ‘Detroit 2’ chu Billboard 200 (albums) chart No.1-ah a debut a, Big Sean tan he chart-a a No.1 album pathumna a ni.

Billboard 200 chart hi kar khat (Zirtawpni – Ningani) inkara US-a album hralh tam dan atanga teha chart ranking siam thin a ni a, chart ranking siam nan hian album tak tak hralh zat bakah streaming atanga album hralhna tlukpui leh album-a hla mal hralhna atanga album hralhna tlukpui te belhkhawm thin a ni.

Detroit 2 hi September ni 4 leh ni 10 inkar khan US-ah copy 1,03,000 hralhin hei hi chart No.1-ah a debut pui a. Album tak tak hralh zat chu copy 30,000 niin, copy 71,000 chu streaming atanga album hralhna tlukpui niin, copy 2,000 chu album hla mal hralhna atanga album hralhna tlukpui a ni ve thung.

Chart No.1 hlui Pop Smoke ‘Shoot for the Stars Aim for the Moon’ chu copy 75,000 hralh lehin No.2-ah bawk a la awm a, No.1 album hlui dang Juice WRLD ‘Legends Never Die’ chu copy 57,000 hralh lehin No.3-ah bawk a la awm ve bawk.

6ix9ine album thar ‘TattleTales’ chu copy 53,000 hralhin No.4-ah a debut a, he chart-a kar ruk chhung No.1 tawh Taylor Swift ‘Folklore’ chu copy 48,000 hralh lehin No.1 atangin No.5-ah a tawlh ve thung.

Broadway cast recording ‘Hamilton: An American Musical’ chu copy 44,000 hralh lehin No.6-ah bawk a la awm a, chart No.1 hlui Lil Baby ‘My Turn’ chu copy 40,000 hralh lehin No.7-ah bawk a la awm.

Rod Wave ‘Pray 4 Love’ chu copy 32,000 hralh lehin No.8-ah bawk a la awm a, chart No.1 hlui DaBaby ‘Blame It On Baby’ pawh copy 30,000 hralh lehin No.9-ah bawk a la awm a, No.1 hlui bawk Post Malone ‘Hollywood’s Bleeding’ chu copy 30,000 tling lo deuh hralh lehin No.11 atangin No.10 a kai thar ve leh ta bawk.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy