Daily Newspaper

Bihar-ah JDU leh BJP thawk dun dawn

24

October-November thlaa inthlanna neih turah Bihar Chief Minister Nitish Kumar party Janata Dal United (JDU) leh BJP te chuan seat insemah a thuphunga inremna an siam.

Bihar Assembly a seat 243 awmah JDU te chuan seat 122 an chang ang a, BJP te chuan 121 an chang thung dawn nia sawi a ni a. JDU te chuan Jitan Ram Manjhi’s Hindustani Awam Morcha te chu an quota chhung atangin seat an pe ve thung ang a, BJP te chuan an quota atangin Ram Vilas Paswan a Lok Janshakti Party te seat an pe ve thung dawn nia sawi a ni.

Bihar-a ruling alliance te hi hun rei tak Nitish Kumar leh Paswan fapa Chirag Paswan te inkarah khi a awm avangin an buai hle a ni.

Bihar hian October 28, November 3 leh 7 ah te inthlanna an nei dawn a, November 10-ah result puan a ni ang. Coronavirus crisis laia ram chhunga inthlanna lian ber tur niin ruahmanna dang dang siam niin voting hour pawhsei te pawh a tel.

Kar kalta Ningani kha inthlan thawhkhatna atana nomination file hun inhawn tan hun a ni a, he mi hnu hian ruling coalition ten seat insemah inremna an nei fel thei ta a, Ocotber 8 thlengin nomination tihna hun hawn a ni dawn a ni.

Bihar inthlanah hian Chief Minister Nitish Kumar chuan a tum li nan chakna chan a tum leh dawn a, opposoition lian ber chu chief minister hlui Lung In tang mek lalu Prasad Yadav party Rashtriya Janata Dal te an ni a, a fapa te Jashwi Yadav kaihhruai mek niin Congress te nen an thawkho thung ang.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy