Bike chesualah a khalhtu thi
December 24 (Thawhlehni) zan dar 11.00 vel khan Champhai Electric Veng, Tourist Lodge kiang, Vaihmunah bike MZ-04 4223 chu chesualin a khalhtu CK Laltlansanga (20) s/o Lalthangliana, Bulfekzawl, Champhai district, tuna Champhai Kanan Venga khawsa mek chuan hliam na tak a tuar a, Champhaia Med-Aim Hospital panpui a nih laiin a hliam tuar loin a thi. A mi phurh hian hliam tenau tuarin a nunna atam hlauhthawn awm a ni lo nia thu dawn a ni.
Lirthei chesual hian Vaihmuna Wesleyan Methodist Biak In thir gate su in, biak in kianga lo ding hmeichhe pakhat a tai bawk a, hliam tenau a tuar a ni.
CK Laltlansanga ruang hi Champhai District Hospital ah postmortem examination tih hnuah an khua Bulfekzawlah lak a ni