Daily Newspaper

Billboard 200 chart-ah Olivia Rodrigo ‘Sour’ a la No.1


Olivia Rodrigo ‘Sour’ chu Billboard 200 (albums) chart-ah a No.1 a, kar li chhung a No.1-na a ni ta. Billboard 200 (albums) chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui (3750 ad-supported/ 1250 paid/subscription on-demand official audio leh video streams) leh album-a hla mal hralhna atanga album hralhna tlukpui (album-a hla mal 10 hralh leh album pakhat hralh intluk a ngaih a ni) te belhkhawm thin a ni.

Olivia Rodrigo ‘Sour’ hi kar khat chhungin US-ah copy 83,000 hralh lehin, hei hi chart-ah a No.1 pui leh ta a, 2009-a Susan Boyle hnuah hmeichhe zaithiam zinga debut album he chart-a kar li chin No.1 pui leh thei hmasa ber a la ni.

Doja Cat ‘Planet Her’ chu No.2-ah bawk awm lehin, kar thum chhung a No.2-na a ni ta a, he album hi copy 61,000 an hralh leh a, chart No.1 hlui Morgan Wallen ‘Dangerous: The Double’ chu copy 44,000 hralh lehin No.4 atangin No.3 a kai thar leh a, chart No.1 hlui bawk Lil Baby leh Lil Durk ‘The Voice of the Heroes’ chu copy 42,000 hralh lehin No.3 atangin No.4-ah a tawlh a, chart No.1 hlui bawk Polo G ‘Hall of Fame’ chu copy 37,000 hralh lehin No.7 atangin No.5 a kai thar ve leh ta bawk.

Dua Lipa ‘Future Nostalgia’ chu copy 30,000 hralh lehin No.8 atangin No.6-ah a insawn thar leh a, chart No.1 hlui Tyler, the Creator ‘Call Me If You Get Lost’ chu copy 28,000 hralh lehin No.6 atangin No.7-ah a tawlh a, Bo Burnham ‘Inside (The Songs)’ chu copy 27,000 hralh lehin No.11 atangin No.8 a kai ve ta bawk.

Chart No.1 hlui The Weeknd ‘After Hours’ chu copy 27,000 tling lo deuh hralh lehin No.15 atangin No.9 a kai thar leh a, chart No.1 hlui bawk Moneybagg Yo ‘A Gangsta’s Pain’ chu copy 27,000 hralh lehin No.10-ah bawk a la awm.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy