Daily Newspaper

Billboard Artist 100-ah BTS an No.1

15

BTS chu Billboard Artist 100 chart-ah No.7 atangin No.1-ah an invawrh a, kar khat chhunga US-a zaithiam lar ber niin, he chart-a an No.1 hun chhung belhkhawm chu kar sarih a tling ta. Tun tuma an No.1 leh theihna chhan chu an hla thar ‘Dynamite’ vang a ni a, BTS hi Korean hlang ang a he chart-a No.1 ni thei hmasa ber an ni.

Billboard Artist 100 chart hi kar khat chhunga US-a zaithiam lar dan tehna chart a ni a, chart ranking siam nan kar khat (Zirtawpni – Ningani) chhunga US-a hla leh album hralh tam dan te, streaming leh radio-a an zaitir nasat dan leh social media fan interaction te chu tehna pawimawh a ni.

Dynamite pawh hi tunkar Billboard Hot 100 (singles) chart No.1-ah a debut a, kar khat chhungin US-ah vawi maktaduai 33.9 stream hman a ni a, a hla hi 3,00,000 an hralh bawk a, radio airplay vawi maktaduai 11.6 an nei hman bawk.

He chart-a kar sarih an No.1 ve takah chuan Bruno Mars nih rualin he chart-a No.1 ngun lamah 10-na an ni. Artist 100 chart hi 2014 atanga an tih tan chauh a ni a, Taylor Swift chu he chart-a No.1 ni ngun ber niin, kar 41 a No.1 tawh a, Drake (31) leh The Weeknd (20) ten an dawt a, BTS hi group ang chuan he chart-a No.1 ni ngun ber niin, Twenty One Pilots-in an dawt.

He chart-a kar thum chhung No.1 tawh Taylor Swift chu No.2-ah a tawlh ta a, hetihrual hian The Killers chu an LP Imploding the Mirage avangin No.5-ah an rawn lang thar ve leh ta bawk.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy