Daily Newspaper

Billboard Artist 100-ah Taylor Swift a la No.1

28

Taylor Swift chuan Billboard Artist 100 chart-a No.1 ni ngun ber a nihna record chu sawh nghet zelin, he chart-ah hian a vawi 41-nan a No.1 leh ta.

Billboard Artist 100 chart hi US-a kar khat chhunga zaithiam lar dan tehna chart a ni a, kar khat (Zirtawpni – Ningani) chhunga US-a album leh hla hralh zat bakah streaming, radio-a zaitir nasat dan leh social media fan interaction te chu chart ranking siam nana tehna pawimawh a ni a, he chart-a No.1 hi chu kar khat chhunga US-a zaithiam lar ber tihna a ni mai.

Taylor Swift hian a album ‘Folklore’ chu Billboard 200 (albums) chart-ah kar li chhung a No.1 pui tawh a, he album-a a hla te pawh Billboard Hot 100 (singles) chart-ah an la lang pha deuh nual bawk a, hei hian Artist 100 chart-ah pawh a dinhmun hi a la siamtha zel a ni.

Billboard Artist 100 chart ranking hi 2014 atanga an tihchhuah tan a ni a, Taylor Swift hi he chart-a No.1 ni ngun ber niin, a No.1 tawh hun chhung belhkhawm hi kar 41 a tling tawh a, Drake chu a dawttu niin, kar 31 a No.1 tawh a, The Weeknd (20), Post Malone (14) leh Ariana Grande (13) te top 5-ah an lang bawk.

Tunkar chart ranking-ah Morgan Wallen chu No.19 atangin No.4-ah a invawrh a, a hla thar ‘7 Summers’ chet that vangah a ngaih theih a, he hla hi Hot 100 chart No.6-ah a debut. Drake pawh a hla thar ‘Laugh Now Cry Later’ avangin No.22 atangin No.5 a kai thar leh a, Young Dolph pawh a LP Rich Slave chu Billboard 200 (albums) chart No.4-ah a debut a, hei hian Artist 100 chart-ah pawh No.6 a lai tir ve ta a ni.

Billboard Artist 100 Top 10:
1 Taylor Swift
2 Juice WRLD
3 BTS
4 Morgan Wallen
5 Drake
6 Young Dolph
7 Harry Styles
8 Pop Smoke
9 The Weeknd
10 Megan Thee Stallion

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy