Daily Newspaper

Billboard Artist 100 chart-a kar 50 No.1 thei Taylor Swift


Taylor Swift chuan Billboard Artist chart-a a record siam sawhnghet zelin, he chart-a kar 50 chhung No.1 thei hmasa ber a ni ta a, hetihrual hian Korean girl group TWICE pawh chart top10-ah an rawn lang ve leh ta.

Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat chhunga US-a album leh hla hralhna bakah streaming, radio airplay leh social media fan interaction te chu tehna pawimawh a ni.

Taylor Swift hian a re-recorded album ‘Red (Taylor’s Version)’ tlangzarhin, he album hi kar khat chhungin US-ah copy 6,05,000 hralhin Billboard 200 (albums) chart No.1-ah a debut a, he album-a a hla ‘All Too Well (Taylor’s Version)’ chu Billboard Hot 100 (singles) chart-ah a No.1 a, heng te avang hian chiang takin tunkar Billboard Artist 100 chart-ah a No.1 ta a ni.

Taylor Swift hian 2014-15, 2017 leh 2019-21 chhungin, kar khat tal chu chart No.1 a ni thei vek a, 2021-ah kar chhung a No.1 a, kum khat chhunga a No.1 rei ber tum niin, hei hi he chart record, kum khat chhunga zaithiam he chart-a No.1 ni rei thei ber record a ni nghal bawk.

Billboard Artist 100 chart hi July 2014 atanga an tih tan chauh a la ni a, Taylor Swift he chart-a kar No.50 chhung No.1 ni thei hmasa ber niin, he chart-a No.1 ni ngun ber a ni a, Drake (36), The Weeknd (22) leh BTS (20) ten an dawt. He chart-a Taylor Swift No.1 hmasak ber chu September ni 6, 2014 niin, hemi tum hian a hla hit ‘Shake It Off’ chu Billboard Hot 100-ah a No.1 ve bawk.

Bruno Mars chu No.19 atangin No.4-ah a invawrh a, hei hi Anderson .Paak nena Silk Sonic anga an album ‘An Evening With Silk Sonic’ hralh that zar a zo a ni a, he album hi Billboard 200 chart-ah No.2 a kai a, hei hian Artist 100 chart-ah pawh a vawrh sang ta a ni. Silk Sonic member dang Anderson .Paak pawh Artist 100 chart-ah a vawi khat nan top 10-ah langin, No.42 atangin No.9-ah a invawrh veta bawk.

Korean girld group TWICE pawh chart top 10-ah lang ve lehin, No.10 an ni a, al album thar ‘Formula of Love: O+T=<3’ hralh that zar an zo a he album hi Billboard 200-ah pawh No.3-ah a debut nghe nghe a ni.

Billboard Artist 100 Top 10:
1 Taylor Swift
2 Adele
3 Ed Sheeran
4 Bruno Mars
5 Drake
6 Doja Cat
7 Luke Combs
8 The Weeknd
9 Anderson .Paak

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy