Billboard Global 200-ah ‘Ella Baila Sola’ a la No.1
Eslabon Armado leh Peso Pluma te hla hit ‘Ella Baila Sola’ chu Billboard Global 200 chart-ah a No.1 a, he chart-a kar thum a No.1-na a ni ta. Hetihrual hian Lil Durk ‘All My Life’ featuring J.Cole pawh chart top 10-ah a debut.
Billboard Global 200 hi kar khat chhunga US-a hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
Eslabon Armado leh Peso Pluma ‘Ella Baila Sola’ hian kar khat chhungin stream maktaduai 90.5 leh dawnload sales 2,000 a la nei thei a, hei hi chart-ah a kar thum nan a No.1 pui leh ta a ni.
K-pop gril group Fifty Fifty hla hit ‘Cupid’ pawhin stream maktaduai 81.7 leh download sales 4,000 neiin, No.3 atangin No.2-ah a insawn a, he hla hi US tel lo, khawvel ram dang zawnga hla lardan tehna, Billboard Global Excl. US chart-ah phei chuan No.1 a kai nghe nghe a ni.
Yng Lvcas leh Peso Pluma ‘La Bebe’ chu No.4 atangin No.3 a kai thar leh a, chart No.1 hlui Grupo Frontera leh Bad Bunny ‘Un x100to’ chu No.2 atangin No.4-ah a tawlh a, chart No.1 hlui bawk Miley Cyrus ‘Flowers’ chu No.5-ah bawk a la awm.
Lil Durk ‘All My Life’ featuring J. Cole chu stream maktaduai 48.8 leh download sales 1,000 tlingin No.7 a kai a, Lil Durk tan he chart top 10-a a hla lang thei pathumna niin, lead role anga top 10-a a lan vawi khatna a ni ve thung a, Drake a feature-na ‘Laugh Now Cry Later’ chu 2020 khan No.5 a kai a, Giveon a feature-na ‘In the Bible’ chu 2021 khan No.9 a lo kai tawh bawk. J.Cole tan chuan he chart top 10-a a lan vawi ngana a ni ve thung.
Billboard Global 200 Top 10:
1 Ella Baila Sola – Eslabon Armado X Peso Pluma
2 Cupid – Fifty Fifty
3 La Bebe – Yng Lvcas x Peso Pluma
4 Un x100to – Grupo Frontera X Bad Bunny
5 Flowers – Miley Cyrus
6 Calm Down – Rema & Selena Gomez
7 All My Life – Lil Durk Featuring J. Cole
8 Die For You – The Weeknd & Ariana Grande
9 Idol – YOASOBI
10 Last Night – Morgan Wallen
Billboard Global 200-ah ‘Ella Baila Sola’ a la No.1
![](https://theaizawlpost.org/wp-content/uploads/2023/05/bill.jpg)