Daily Newspaper

Billboard Global charts-ah Bad Bunny leh Jhay Cortez an la No.1

8

Bad Bunny leh Jhay Cortez hla hit ‘Dakiti’ chu Billboard Global 200 leh Billboard Global Excl. U.S. chart-ah te a No.1 leh a, hetihrual hian Mariah Carey ‘All I Want for Christmas Is You’ leh Wham! ‘Last Christmas’ te chu top 5-ah an lang thar ve bawk.

Billboard Global 200 chart hi kar khat (Zirtawpni –
Ningani) chhunga khawvel huapa hla lar dan tehna chart a ni a, Billboard Global Excl. U.S. chart hi US tel lo va ram dang zawnga hla lar dan tehna chart a ni ve thung. Chart ranking siam nan hian official-only streams (subscription leh ad-supported audio leh video music services) bakah download sales te chu tehna pawimawh a ni.

Billboard Global 200 chart-ah hian No.1 lo kai tawh, Bad Bunnhy leh Jhay Cortez ‘Dakiti’ chu No.2 atangin No.1 a kai thar leh a, kar khat chhungin khawvel huapin stream maktaduai 121.4 leh download sales 3,000 a nei hman. Dakiti hi he chart-ah hian kar thum a No.1 tling ta a, BTS ‘Dynamite’ leh Cardi B ‘WAP’ featuring Megan Thee Stallion te nen he chart-a No.1 ni ngun ber an ni ta a ni.

Billboard Global 200 chart-ah hian 1994-a Mariah Carey hla hit ‘All I Want for Christmas Is You’ chu No.11 atangin No.2-ah a invawrh a, BTS ‘Dynamite’ chu No.3-ah bawk awm lehin, 24k Goldn ‘Mood’ featuring iann dior chu No.5 atangin No.4-ah a insawn a, Wham! ‘Last Christmas’ chu No.25 atangin No.5-ah a invawrh thar ve leh ta bawk. Last Christmas hi 1984-a an tlangzarh tawh a ni.

Billboard Global Excl. U.S. chart-ah pawh Bad Bunny leh Jhay Cortez ‘Dakiti’ bawk a No.1 a, US tel lovin kar khat chhungin stream maktaduai 98.2 leh download sales 1,000 a tling hman a, hei hi chart-ah a No.1 pui leh ta a ni. Tihian ‘Dakiti’ hi he chart-ah hian kar li a No.1 tling ta a, he chart-a kar nga No.1 thei BTS ‘Dynamite’ chiah he chart-a No.1 ngun-ah a pha lo a, BTS ‘Dynamite’ hi tunkar chart-ah No.2-ah bawk a la awm.

Billboard Global Excl. US-ah hian Mariah Carey ‘All I Want for Christmas Is You’ chu No.16 atangin No.3-ah a invawrh a, 24kGoldn ‘Mood’ featuring iann dior chu No.5 atangin No.4-ah a insanw thar leh a, Wham! ‘Last Christmas’ chu No.34 atangin No.5-ah a invawrh ve leh ta bawk.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy