Daily Newspaper

Billboard Global Charts-ah Bad Bunny leh Jhay Cortez ‘Dakiti’ a la No.1

8

Bad Bunny leh Jhay Cortez te hla hit ‘Dakiti’ chu Billboard Global 200 chart leh Billboard Global Excl. US. chart-ah te a No.1 leh a, tihian heng chart pahnihah hian kar hnih chhung a zawnin a No.1 ta a, Billboard Global Excl. U.S. chart-ah chuan kar thum a No.1-na a ni tawh bawk. Hetihrual hian Billie Eilish pawh No.2-ah a debut.

Billboard Global 200 chart hi kar khat (Zirtawpni – Ningani) chhunga khawvel huapa hla lar tehna a ni a, Billboard Global Excl. U.S. chart hi US tel lova khawvel ramdanga hla lar tehna a ni ve thung. Chart ranking siam nan hian official-only stream (subscription leh ad-supported audio leh video music service) bakah download sales te chu tehna pawimawh a ni.

Puerto Rican singer Bad Bunny leh Jhay Cortez te hla ‘Dakiti’ hi kar khat chhungin khawvel huapin stream maktaduai 103.7 leh download sales 4,000 a tling a, chu chu Billboard Glabal 200 chart-ah a No.1 pui leh ta a ni.

He chart-ah hian Billie Eilish hla thar ‘Therefore I Am’ chu No.2-ah a debut a, 24kGoldn ‘Mood’ featuring iann dior chu No.2 atangin No.3-ah a tawlh a, kar li chhung he chart-a No.1 thei Ariana Grande ‘Positions’ chu No.4-ah bawk la awmin, Maluma ‘Hawai’ chu No.3 atangin No.5-ah a tawlh ve ta bawk.

Billboard Global Excl. U.S.chart-ah pawh Bad Bunny leh Jhay Cortez ‘Dakiti’ bawk a No.1 a, kar khat chhungin US tel lovin, khawvel ram hrang hrangah vawi maktaduai 83.9 stream niin, download sales 1,000 a tling bawk a, hei hi chart-ah a No.1 pui leh ta a ni.

Billie Eilish ‘Therefore I Am’ chu No.2-ah a debut a, chart No.1 hlui BTS ‘Dynamite’ chu No.4 atangin No.3 a kai thar leh a, 24kGoldn ‘Mood’ featuring iann dior chu No.3 atangin No.4-ah a tawlh a, chart No.1 hlui Maluma ‘Hawai’ chu No.2 atangin No.5-ah a tawlh ve ta bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy