Daily Newspaper

Billboard Global charts-ah BTS an No.1

15

BTS hle thar ‘Permission to Dance’ chu Billboard Global 200 leh Billboard Global Excl. U.S. chart-ah te No.1-ah a debut ve ve a, hetihrual hian The Kid LAROI leh Justin Bieber te hla thar ‘Stay’ pawh heng chart pahnih top 10-ah hian a debut ve ve bawk.

Billboard Global chart hi kar khat chhunga khawvel huapa hla lar dan tehna a ni a, chart ranking siam nan hian ram 200 chuanga official-only streams (subscription leh ad-supported audio leh video music services) bakah download sales te chu tehna pawimawh a ni.

BTS ‘Permission to Dance’ hi kar khat chhungin khawvel huapin stream maktaduai 170.8 a tling a, downlod sales pawh 1,38,000 a tling a, hei hi Billboard Global 200 chart-ah a No.1 pui ta a ni. BTS hian he chart-a No.1 kai thei hla panga an nei tling ta a, he chart-a No.1 kai thei hla ngah ber an la ni a, anni tih lohah chuan he chart-a No.1 kai thei hla pakhat aia tam nei chu Olivia Rodrigo chiah a la ni a, ani hian a hla pahnih a No.1 pui tawh a ni.

He chart-ah hian The Kid LAROI leh Justin Bieber hla thar ‘Stay’ chu No.2-ah a debut a, The Kid LAROI tan Global 200 chart top 10-a hla pahnih a neihna leh he chart-a a tawn san ber tum a la ni a, Justin Bieber tan erawh top 10-a a lan vawi sarihna niin, BTS nen he chart top 10-a hla ngah lamah an intluk chiah.

Ed Sheeran ‘Bad Habits’ chu No.2 atangin No.3-ah a tawlh a, chart-a kar ruk No.1 tawh Olivia Rodrigo ‘Good 4 U’ chu No.1 atangin No.4-ah a tawlh a, Maneskin “Beggin'” chu No.3 atangin No.5-ah a tawlh ve ta bawk.

Billboard Global Excl. U.S. chart-ah pawh BTS ‘Permission to Dance’ a No.1 a, kar khat chhungin US tel loin stream maktaduai 154.9 leh download sales 94,600 a tling a, he chart-a an hla No.1 kai thei palina niin, he chart-a No.1 kai thei hla pakhat aia tam nei awm chhun an la ni.

He chart-a kar hnih chhung No.1 tawh Ed Sheeran ‘Bad Habits’ chu No.2-ah a tawlh ve thung a, chart No.1 hlui BTS ‘Butter’ chu No.3-ah bawk a la awm a, Maneskin “Beggin'” chu No.2 atangin No.4-ah a tawlh a, chart No.1 hlui Olivia Rodrigo ‘Good 4 U’ chu No.4 atangin No.5-ah a tawlh ve ta bawk.

Billboard Global 200 Top 10:
1 Permission To Dance – BTS
2 Stay – The Kid LAROI & Justin Bieber
3 Bad Habits – Ed Sheeran
4 Good 4 U – Olivia Rodrigo
5 Beggin’ – Maneskin
6 Butter – BTS
7 Save Your Tears – The Weeknd & Ariana Grande
8 Levitating – Dua Lipa Ft, DaBaby
9 Kiss Me More – Doja Cat Featuring SZA
10 Montero (Call Me By Your Name) – Lil Nas X

Billboard Global Excl. U.S. Top 10:
1 Permission To Dance – BTS
2 Bad Habits – Ed Sheeran
3 Butter – BTS
4 Beggin’ – Maneskin
5 Good 4 U – Olivia Rodrigo
6 Stay – The Kid LAROI & Justin Bieber
7 Save Your Tears – The Weeknd & Ariana Grande
8 Todo de Ti – Rauw Alejandro
9 Levitating – Dua Lipa Featuring DaBaby
10 Montero (Call Me By Your Name)

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy