Daily Newspaper

Billboard Hot 100-ah Travis Scott ‘Franchise’ a No.1

36

Travis Scott hla thar ‘Franchise’ featuring Young Thug & M.I.A. chu Billboard Hot 100 (singles) chart No.1-ah a debut a, Travis Scott tan he chart-a a No.1 vawi li-na niin, kum khat pawh a ral hmain a No.1 vawi thumna a ni bawk a, tihian record thar siamin, Hot 100 chart history-ah No.1 kai thei pathum nei rang thei ber a ni. Hetih rual hian Young Thug tan he chart-a a No.1 vawi hnihna a ni a, M.I.A. tan a vawi khatna a ni ve thung.

Billboard Hot 100 (singles) chart hi kar khat chhunga US-a hla lar tehna a ni a, chart ranking siam nan kar khat (Zirtawpni – Ningani) chhunga all-genre US streaming, radio airplay leh sales data chu chart ranking siam nana tehna pawimawh a ni a, hei vang he chart No.1 hi chu kar khat chhunga US-a hla lar ber tihna a ni mai.

‘Francise’ hi September ni 25 zanlaia an tlangzarh a ni a, October ni 1 thlengin US-ah stream maktaduai 19.4 a tling hman a, 98,000 an hralh hman bawk a, radio airplay maktaduai 10.6 ngaithlatu a nei anga chhut a ni bawk.

Travis Scott hian a hla ‘Sicko Mode’ chu December ni 8, 2018 khan chart No.1 a kaipui a, hei hi he chart-a a No.1 vawi khatna a ni, tihian October ni 19, 2019-ah ‘Highest in the Room’ a No.1 pui leh a, chumi dawtah Kid Cudi nena an thawh dunna ‘The Scotts’ chu May ni 9, 2020 khan No.1 kai lehin, tunah ‘Francise’ a No.1 leh ta a, tihian a No.1 hla hnuhnung pathum te hi thla 12 tlin hmain No.1 an kai leh vek hman a, he chart-a No.1 kai thei hla pathum nei rang ber record a la ni.

He bakah hian Travis Scott hi Hot 100 chart No.1-a hla pathum chin debut pui thei zaithiam pangna a ni bawk. Chart No.1 a debut tih chuan chart ranking-a a lan theihna hmasa ber a chart No.1 ni nghal tihna a ni a, hetianga No.1-a hla pathum chin debut pui thei hi Scott bakah Ariana Grande, Justin Bieber, Mariah Carey leh Drake te chiah an la awm.

BTS hla hit ‘Dynamite’ chu No.1 atangin No.2-ah a tawlh a, chart No.1 hlui Cardi B ‘WAP’ featuring Megan Thee Stallion pawh No.2 atangin No.3-ah a tawlh a, Drake ‘Laugh Now Cry Later’ chu No.4-ah bawk la awmin, 24kGoldn ‘Mood’ featuring iann dior pawh No.5-ah bawk a la awm.

Chart No.1 hlui The Weeknd ‘Blinding Lights’ chu No.7 atangin No.6 a kai thar leh a, chart No.1 hlui bawk DaBaby ‘Rockstar’ featuring Roddy Ricch chu No.6 atangin No.7-ah a tawlh a, Jawsh 685 leh Jason Derulo ‘Savage Love (Laxed – Siren Beats)’ chu No.9 atangin No.8-ah a insawn thar leh a, chart No.1 hlui Harry Styles ‘Watermelon Sugar’ pawh No.8 atangin No.9-ah tawlh ve leh ta bawk. Top 10 khartu chu chu Gabby Barrett ‘I Hope’ featuring Charlie Puth niin, No.10-ah bawk a la awm.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy