Billboard Top Artist of 2024 – Taylor Swift
Taylor Swift chu Billboard kum tawp Top Artists chart-ah a No.1 a, he chart a a zawna kum hnih a No.1-na a nih bakah he chart-ah hian tum li a No.1-na a ni ta bawk. Swift hi 2023, 2015 leh 2009-ah te khan he chart-ah hian a lo No.1 tawh a, tihian zaithiam zingah Billboard kum tawp top artist chart-a tum li No.1 thei awm chhun a ni. A hmain Adele nen vawi thum ve ve No.1 ni theiin, he chart-a No.1 ni ngun ber an ni dun a, kuminah Swift hian Adele kalsanin, amahin record a siam ta a ni. Billboard -in an year-end Top Artist chart hi 1981 atanga an tih tan kha a ni.
He chart hian kum khat chhunga US-a zaithiam te chet that dan a hril chiang bera ngaih a ni a, chart ranking siam nan pawh hian an album leh hla hralh tam dan te, an hlaphuah lar dan te, an concert boruak neih len dan leh an huhang nat dan te leh fans lamin an lawm dan te thlenga en vek a ni.
Kumin, 2024 chhungin Swift hian album a hralh tha hle a, Billboard 200 (albums) chart a lang thei album 11 a nei a, he chart-a kum khat chhunga album lang thei ngah ber a la ni. Heng album 11 zinga pahnih- ‘1989 (Taylor’s Version)’ leh ‘The Tortured Poets Department’ te chu No.1 a kai ve ve a, TTPD phei hi chu kar 15 a No.1 tling thei a, Swift album zinga he chart-a No.1 ni rei thei ber a la ni a, hmeichhe zaithiam album bika he chart-a No.1 nih rei theihah pathumna a ni.
‘TTPD’ leh ‘1989 (Taylor’s Version)’ album te hi year-end Billboard 200 Albums chart-ah pawh No.1 leh No.2 a, 1967-a The Monkees-in kum khata year-end chart-a No.1 leh No.2 album an neih hnua hetiang ti lehthei hmasa ber a ni bawk. Swift album dang ‘Lover’ leh ‘Midnights’ te chu No.9 leh No.10-ah an lang ve ve bawk a, Swift hi e year-end chart top 10-a album pali nei thei zaithiam hmasa ber a ni bawk.
Swift hi year-end top female artist-ah pawh a zawna a tum nan No.1 ni lehin, he chart-a hmeichhe zinga a zawna tum hnih aia tam ni thei hmasa ber nin, Morgan Wallen leh Fueraza Regida te chu top male artist leh top suo/group artist an ni bawk.
Billboard 2024 year end chart hi October ni 28, 2023 leh October ni 19, 2024 inkar Billboard albums leh singles chart-a an an chet that dan atanga tehin ranking siam a ni a, hetih chhung hian Swift album 11 chu Billboard 200 (albums) chart-ah langin, chung zinga album pasarih chu kumtluanin chart-ah an lang. A album pakua chu 2023-a a tlangzarh te niin, ‘1989 (Taylor’s Version)’ leh ‘The Tortured Poets Department’ te chu 2024 kuma a tlangzarh te an ni.
Billboard Hot 100 chart-ah pawh a hla 56 a lang hman a, chung zinga hla pahnih ‘Cruel Summer’ leh ‘Fortnight’ featuring Post Malone te chu No.1 an kai thei bawk.
Billboard Top 10 Artists of 2024 Top 10:
1. Taylor Swift
2. Morgan Wallen
3. Zach Bryan
4. Drake
5. Sabrina Carpenter
6. Billie Eilish
7. SZA
8. Luke Combs
9. Post Malone
10. Kendrick Lamar
Billboard Top Artist of 2024 – Taylor Swift
