Billboard chuan April ni 29, 2026-a ollywood Palladium, Los Angeles-a 2026 Women in Music event an neih tura chawimawina dawng turte an puang kim ta a, he annual ceremony-ah hian hmeichhe zinga rimawi kawvela kum khat chhunga che thate an chawimawi thin a, artist mai piahlamah genre hrang hrang a music executive te pawh an seng lut thin. He event hi Billboard.com leh Billboard YouTube channel-ah te live stream a ni ang.
Kumin hian KPop Demon HUNTER/X (EJAE, Audrey Nuna, REI AMI) chuan Women of the Year an dawng dawn a, Elizabeth Matthews-in Executive of the Year a dawng bawk ang. Anni bakah hian chawimawina dawng tur zingah Kehlani (Impact Award), Laufey (Innovator Award), Mariah the Scientist (Rising Star Award), Tate McRae (Hitmaker Award), Teyana Taylor (Visionary Award), Thalia (Icon Award), Zara Larsson (Breakthrough Award), BINI (Billboard Pilippines Global Force Award) leh The Beaches (Billboard Canada’s Global Force) te pawh an tel.
He event hi Keke Palmer-i’n a host dawn a, ani hi perform tur zingah a tel nghal a, chawimawina dawng tur atanga he event-a perform nghal tur an awm nual a, chawimawina hlantu tur te pawh Bella Poarch, Brandi Carlile, Cara Delevingne, Ciara, Coco Jones, Dionne Warwick, Eva Longoria, Victoria Monét, Kim Petras, Lainey Wilson leh Tyla te an ni.
Billboard Women in Music a chawimawi tur an puang kim ta
