Billie Eilish hla thar ‘Birds of a Feather’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a Eilish hla No.1 thei hmasa ber a ni a, Charli XCX a thawh puina ‘Guess’ chu top 5-ah a debut bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Billie Eilish ‘Birds of a Feather’ hian kar khat chhungin ram hrang hrang 200 chuangah stream maktaduai 78.8 leh sales 7,000 a tling thei a, hei hi he chart No.2 atangin No.1 a kaipui ta a ni. Billie Eilish hian nikum August khan a hla ‘What Was I Made For?’ chu No.2 a lo kaipui tawh a, November 2020-ah ‘Therefore I Am’ chu No.2 tho a lo kaipui tawh bawk a, tun hi he chart-a No.1 a kai vawi khatna a ni.
Charli XCX ‘Guess’ featuring Billie Eilish chuan stream maktaduai 60.3 leh sales 9,000 neiin, No.3-ah a debut a, he hla hi June ni 10-a tlangzarh tawh Charli XCX ‘Brat’ album ami kha niin, Brat album hi a deluxe version, hla thum an dah belhna an tlangzarh thar leh a, Eilish remix a chhuah hnuah streaming leh sales a pung hluai ta hluai a ni.
Chart No.1 hlui Sabrina Carpenter ‘Espresso’ chu No.3 atangin No.2 a kai thar le a, Shazoobey ‘A Bar Song (Tipsy)’ chu No.4-ah bawk awm lehin, chart No.1 kar hnih a nih nuah Jimin ‘Who’ chu No.1 atangin No.5-ah a tawlh ve thung.
Billboard Global 200 Top 10:
1 Birds Of A Feather – Billie Eilish
2 Espresso – Sabrina Carpenter
3 Guess – Charli xcx Featuring Billie Eilish
4 A Bar Song (Tipsy) – Shaboozey
5 Who – Jimin
6 Please Please Please – Sabrina Carpenter
7 Si Antes Te Hubiera Conocido – Karol G
8 Not Like Us – Kendrick Lamar
9 Good Luck, Babe! – Chappell Roan
10 Beautiful Things – Benson Boone