National Medical Commission (NMC) chuan non-biology zirlaite chuan NEET-UG, undergraduate medical course MBBS leh BDS ang te zirna an exam a rem ti.
NMC-in public notice a tihchhuahah zirlai 10+2 zo tawh te Physics, Chemistry, Biology/Biotechnology leh English subject la te chuan NEET-2024 an hmachhawn thei ang a ti a. Heng mai bakah hian 10+2 examination paltlang tawh physics, chemistry, mathematics or computer science leh subject dang la te pawhin NEET-UG chu Biology/Biotechnology subject zir lo mahse an hmachhawn thei ang a ti bawk.
NMC chuan ‘Graduate Medical Education Regulations-2023 an siam tharah June 26, 2023 khan meeting neiin National Education Policy (NEP-2020), class 12 subject a inhawnna zau tak kalpui chungchang pawh an sawiho hnuah thutlukna siam a ni ta a ni.
NMC thutlukna hian sawisel hlawh thungin medical educationa ti quality lo zawk hlauhna a lian hle thung. Hanumantha Rao, the CEO and Dean of a NEET Academy, Bengaluru chuan, “Biology hi medical course a core subject a ni a. A pawimawh em avangin 10+2 level ah zir ngei ngai a ni a. Tuna NMC guidline thar ang hi chuan medical education quality tichhiain doctor thiam lo zawk an chher chhuak thei ang. Chumi piahah non-biology zirlaite tan chuan NEET-UG paltlang chu a harsa dawn a ni,” tiin a sawi.
Biology la lo ten NEET-UG exam thei dawn
