Daily Newspaper

BJP chief Nadda puhna chhang let nghal

28

Mamata Banerjee sorkar chu ‘anti-Hindu’ rilru nei niin ‘táng renga awm tawhin Bengal leh mainstream a thlunzawm thei tawh lo’ tiin BJP chief JP Nadda chuan a sawi.

Nakumah West Bengal hian State Assembly thlanna nei dawnin rorel mek Trinamool Congress leh BJP te chu inbei nasa hle tura ngaih a ni.

Nadda chuan Banerjee chuan August 5, Ayodhya cremony neih niah kher Covid lockdown a puan thu sawiin ‘local level-a mipui ten an chhim theih tur a dal’ tia sawiin mahse July 31 Eid al-Adha ah erawh lockdown a thlahdul thung a ti bawk.

“Hei hian state policy te chu anti-Hindu rilru leh politics a mi tihlawm tumnain kalpui a ni tih a pholang. Mipui ten hei hi an hrefiah tur a ni,” tiin BJP chief chuan a sawi bawk a. “Kan vote percentage a sang mek zel a, nakum inthlanah Trinamool Congress sorkar hi kan paihthla ang,” tiin a sawi bawk.

Nadda chuan Banerjee chuan mipuite chanpual chhuhsakin Bengal in Central health scheme Ayushman Bharat an neih theihna tur a dal tlat bawk a, hei bakah hian state-a loneitutena installment tum thuma Rs 6,000 an dawn theihna tur PM Kisan Samman Nidhi scheme pawh a dang tlat tiin a sawi bawk.

Bengal sorkarin tun thlengin loneitu he scheme dawng thei turte list a la thehlut ve lo tiin BJP chief chuan a sawi bawk a.

“Mamata hi a táng tawh a, Bengal leh mainstream a thlunzawm thei lo. Bengal mipuite hi Mamata ni lovin Modiji an an rawng a bawlsak zawk a ni,” tia sawiin Nadda chuan, “He anti-government” hi paihthlak tur a ni, tiin a sawi bawk.

BJP chief chuan Covid crisis-ah pawh Union health Ministry in lockdown guidelines a siam te kengkawh tha duh lo leh Muslim tamna hmuna rules te thlahdul bik zelah a puh bawk a.

Trinamool MP Derek O’Brien chuan chhang letin Bengal chuan healh insurane coverage leh farmer’s welfare scheme – Swasthya Sathi leh Krishak Bandhu an neih thu sawiin Centre food ration chu mamawh laiin an dawng ve lo, a ti bawk a.

Krishak Bandhu hnuaiah Bengal chuan loneitute hnenah compensation acre khatah Rs 5,000 a pe a, a aia hniamah Rs 2,000 a pe. PM Kisan hnuaiah centre-in kum khatah Rs 6,000 a pe a, acre zawnga lak chuan acre khatah Rs 2,000 chauh zawk a ni, a ti a. Bengal-in health scheme Swasthya Sathi a kalpui chu mipui 7.5 crore ten an chhawr tawh a, State-in 100% a tum a ni, a ti bawk.

BJP te hian state tena an hnathawh tha ruksak tumin thil fel lo zawnga dem tur a zawng a ni. State te hi mipui thlan an ni a, an tihtur ti se, centre in a tihtur ti mai rawh se, tia sawiin centre chuan Bengal pawisa ‘one lakh fifty thousang crore a ba zawk’ a ti zui bawk.

Nikum Lok Sabha inthlan atang khan BJP leh Trinamool Congress te inbeihna a nasa zual hle a, hmun thenkhatah phei chuan tharum thawhna a thleng a ni.

Bengal inthlan hi nakuma neih tur niin BJP te chuan campaign an tan der tawh a, Home Minister Amit Shah chuan June 9 khan virtual in campaign a hawng tawh a, he mi hma ni liah Banerjee chuan virtual thovin campaign a hawng bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy