Daily Newspaper

BJP dintu zinga tel Union Minister hlui Jaswant Singh thi

40

Nimin khan Union minister hlui Jaswant Singh a thi a, kum 82 mi a ni.

Atal Bihari Vajpayee cabinet-ah Minister of Defence, Minister of Finance leh Minister of External Affairs a lo ni tawh a. Politics a luhchilh hmain Indian Army officer a ni.

Singh hi Amry Hospital-ah heart attack a neih hmain Sepsis leh Multiorgan Dysfunction Syndrome avangin enkawl a nih thu Army Research and Referral hospital te chuan an sawi.

Prime Minister Narendra Modi leh Defence Minister Rajnath Singh te chuan uina thu an sawi nghal ve ve a.

“Jaswant Singh Ji an kan ram tak taima takin hna a thawk a. A tirah sipai angin a hnuah politics hmangin hun rei tak ram rawngbawl hna a thawk a. Atal Ji sorkar laiin portfolio pawimawh chelhin finance, defence leh external affairs ah sulhnu ropui tak a hnutchhiah a ni,” tiin PM Modi chuan a sawi.

Singh hi Bahratiya Janata Party dintu zinga tel a ni bawk.

“Jaswant Singh hi politics leh society a thlir dan danglam tak avangin hriat a hlawh reng ang. BJP chak nana nasa taka thawh hlawk a ni a. Kan inbiakna te ka hre reng ang,” tiin PM Modi chuan a sawi bawk.

Army hlui Singh hian kum 1960 chho khan Rajasthan-ah politics a luhchilh tan a. Mahse, a lar takna tak zawk chu kum 1980 a party thar din BJP ticketa Rajya Sabha MP atana thlan a nih hnuah a ni. Rajya Sabh-ah tum nga thlan a ni tawh a, Lok Sabha-ah tum li thlan a ni tawh bawk.

Tawng thiam leh hruaitu tha a nih avangin party chhungah dinhmun pawimawh chelhin sorkar ah pawh portfolio pawimawh a chelh zel a. Planning Commission deputy chairperson pawh lo ni tawh niin kum 2004-2009 khan Rajya Sabha-ah Leader of Opposition a ni tawh bawk.

Prime Minister hlui Vajpayee leh Deputy Prime Minister hlui L.K. Advani nena inthian tha tak an ni bawk a. NDA sorkarin thil pawimawh chungchuanga palaia a tirh ber niin chung zingah chuan kum 1998 a India-in Pokhran a nuclear a test hnua US-in a hrekna hlih a nih theih nana hmatheh a ni a. He mi chungchang hi khatih laia US representative Strobe Talbot chuan a lehkhabu ziah “Engaging India: Democracy, Diplomacy and the Bomb” ah a ziak lang nghe nghe a ni.

Kum 1999 a India passenger phur thlawhna hijack a Kandahar-a tum tir a nih khan passenger 175 te thleng nan terrorist pathum Omar Saeed Sheikh, Mushtaq Ahmad Zargar leh Azhar Masood te chu Singh hian a inthlengpui a, sawisel a hlawh hle.

Kum 2009 han BJP inthlana an chak loh chhanah Shimla a chak loh chhan sawiho tura an inhmuhkhawm hmain lehkhathawn a ziak a, an chak loh chhan chu nasa taka chhui tur a ti a. Hei hian BJP chhung a tinghing nasa hle a. A hnuah Pakistan founder ‘Jinnah: India, Partition, Independence’ tih lehkhabu a ziah avangin BJP atanga hnawhchhuah a ni.

Mahse, a hnuah BJP president Nitin Gadkari chuan party chhungah a la lut leh tho thung a. Mahse, kum 2014-a Barmer atanga BJP party ticket a din a tumna chu a hlawhchham a. BJP candidate Sona Ram Choudhary chu a khing lui tho va, a chak zo chuang lo. He mi hnu atang hian BJP nena an inkarna chu a chhe zual zel ta a ni.

Kum2014 atang khan a damlo tan a, khata tang khan a tha chuak ta meuh lo a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy