2018 inthlan vote chhiar a nih khan BJP-in MLA
pakhat an nei a, Mizorama MLA an neih hmasak ber a ni. Term tawp dawnah chuan 2018 inthlana tling MLA pathum an nei ta.
2018 inthlanah Tuichawng bialah BJP candidate Dr BD Chakma a tling a, tunah chuan 2018-a tling Dr K Beichhua an neih bakah 2018-a tling Lalrinliana Sailo an nei dawn.
Dr K Beichhua leh Lalrinliana Sailo te hi 2023 inthlanah BJP candidate an ni dawn a, a ding tawh dawn lo emaw tih hnu-ah Dr BD Chakma pawh a ding leh dawn tih thu dawn a ni.
Dr BD Chakma hian kum 50 a tlin hnuah chuan politics-a inhmanga inthlana din a tum tawh lo tia rilru a lo siam tawh thu leh, inthlanpui lo awm turah din a tum tawh loh thu a lo puang tawh a, mahse a bial ngaiah a ding leh ngei dawn nia hriat a ni.
BJP hian bial 10 vela ding tur an tifel tawh a, chung zingah chuan Tuichawng bial hi a tel; Dr BD Chakma a chiang tawh tih thu dawn a ni.
Dampa bialah an president Vanlalhmuaka a chiang a, Siaha bialah Dr K Beichhua a chiang. Hriat theih chinah Thorang, West Tuipui, Mamit, Serlui, Lunglei West tea ding tur a chiang tawh. Lunglei West-ah hian hmeichhia a ding ang. Tun term-a assembly speaker Lalrinliana Sailo a ding dawn tih a chiang bawk.
An neih sa leh MLA-a tling pahnih an nei thar a, tun term-a MLA-a ding lai mi pathum, BJP-a lut tura ngaihte erawh an lut dawn lo tih a chiang tawh.
BJP-in MLA (tling) pathum an chang
