BJP-in Sairang rel station tifai
BJP Mizoram chuan Ningani khan Seva Pakhwada Program kal zelah Sairang Rel Station tifaiin an hnatlang.
BJP Mizoram State thuchhuak chuan, hmasawnna hmel thar kan hmuh hnu a rel station leh a chhehvela bawlhhlawh tam tak a awm nghal chu zialo a ti hle tih a sawi a. Hmasawnna in a ken tel pawimawh tak chu faina hi a ni, tiin, ‘Hmasawnna thar kan hmu a, nimahse nikhat thilthu ah rel station-a bawlhhlawh a tam nghal lutuk hian inenfiah kan mamawh zia a tilangin kan hria,’ a ti.
Rel rawn lut chu hmasawnna, ramdangmi, khualzinte pawhin faina an ngaihpawimawh theihnan rel station-a kan bawlhhlawh paih dan system pawh thuneitu lamin ngun zawka enpui thuai a ngaia a hriat thu a sawi a. Rela zin tur tualchhung mipui leh state pawn leh ram pawn atanga Mizoram tlawh turte pawh faina ngaipawimawh turin an ngen tih a sawi.
Rel station tihfai zawh hian Sairang Rel Station bulah thing phunin an hnatlang zui bawk.
BJP-in Sairang rel station tifai
