Uttar Pradesh Chief Minister Yogi Adityanath chuan September 13 chuan Sanatana Dharma chuan “rashtriya (national) religion” of Bharat a ni tiin a sawi.
Tun hnaia Sanatana Dharma chungchanga DMK leader Udhayanidhi Stalin thusawi avanga inhnialna tam tak awm mekah Adityanath chuan India-a cheng mi thenkhat ten Sanatana Dharma hmanlai ata tawha beih tawk an la bei reng chu a vanduaithlak tiin a sawi a.
“Sanatana Dharma hi Rashtriya dharma (national religion) of Bharat a ni a. Tute mahin an sel theih a ni lo,” tiin UP Chief Minister chuan Dhwajstambh (flagstaff), Nath temple, Indore a pharhna a neihah a sawi a.
Sanatana Dharma chu hmanlai atanga beih tawk tawh niin Pathian nihna pawh tun thlenga selin a la awm reng a ni, tiin a sawi bawk.
“Tun thlengin bharat-a cheng mi thenkhatte pawhin Sanatana Dharma an la sel reng hi a mualphothlak a ni. Indian values, ideals leh principles te beihna hun remchang an hmaih ngai lo” tiin Adityanath chuan a sawi bawk.
“Ravan pawh khan Pathian nihna kha selin a bei a, eng nge thleng? Ravan kha a chaponain a tichhia a ni,” tiin a sawi bawk.
DMK leader leh Tamil Nadu Minister Udhayanidhi Stalin chuan tun hnaiah Sanatana Dharma chu social justice kalh a ni a, nuaibo ngai tiin a sawi a.
Sanatana Dharma chu coronavirus, malaria leh dengue te ang nen tehkhinin Chief Minister Stalin fapa Udhanidhi Stalin chuan hnawl mai piahlamah tihchhiat vek tur tiin a sawi a.
DMK leader dang A. Raja pawhin Snaatna Dharma chu phar natna nen a tehkhin bawk a. Raja hi UPA rorel laia minister kha a ni bawk.
Adityanath chuan Mughal roreltu Babar khan Ayodhya a Lord Ram temple tihchhiat a tum tia sawi bawkin mahse grand temple chu kum 500 hnuah Ram Janmabhoomi ah ngei sak leh mek a ni a ti bawk.
Adityanath chuan “Hindu” chu sakhua thumal a ni lo va, Indians cultural identity a ni a ti bawk a. “Vanduaithlak takin mi thenkhat ten Hindu identity chu zim takin an sawi a ni” tiin a sawi bawk.
“Bharat vs India” inhnialna awm mekah BJP leader chuan ram chu tun hma hmanlai atang tawhin Bharat tih niin a chhunga chengte chu “Hindus” tih an ni a ti bawk a.
“India, Pakistan leh Bangladesh atanga Muslim te Haj tura Mecca an panin Saudi Arabia-ah chuan Hindus tia sawi an ni” tiin a sawi bawk.
Adityanath chuan British Prime Minister Rishi Sunak tun hnai lawka G-20 summit a India tlawhtuin Hindu identity a zahpui miah lo chu a fak takzet thu a sawi bawk a.
“Sunak hian a Hindu nih a chhuang a. Temple a kal a, Gau Mata (bawng) biak a hreh hauh lo, Sants te bula thuin Jai Shri Ram leh Jai Siya Ram tih pawh a hreh hauh lo va, a chhan ber chu Sanatana Dharma values leh roots a neih tlat vang a ni,” tiin a sawi bawk.
PM Modi an selna
Prime Minister Narendra Modi chuan INDIA alliance te chu Sanatana Dharma tichhe vek tuah puhin India chu 1,000 years kalta vela dah tum tiin a sawi.
Madhya Pradesh a thusawina a neihah Prime Minister chuan, “Tun hnaiah Mumbai-ah an inhmukhawm a, ‘ghamandiya’ alliance kalpui dan turah policy leh strategy siam an tum a ni. Hei bakah hian hidden agenda an nei a. An tum ber chu India culture beih a ni a. Indians te faith, ngaihtuahna, values leh tradition te kum sang tam tak min phuarkhawm tawh tute chu an bei a ni,” tiin a sawi bawk.
PM modi chuan Mahatma Gandhi khan Sanatana Dharma chu a nunah a laimu-ah a dah a ti bawk a. “Lord Ram an a nun a hneh em em a. A tawngkam hnuhnung ber pawh ‘hey Ram’ tih a ni” tiin a sawi bawk.
Prime Minister chuan Swami Vivekananda leh Lokmanya Tilak te pawh Sanatana ngaisang tur niin chu chuan freedom fighters te tiphurtu a ni bawk tiin a sawi bawk a.
“Hun lo la kal turah min (opposition) ten min bei zel dawn a. Santani tin te, he ram mitinte he ram hmangaihtu te hi kan inralrin reng a ngai a ni. Sanatana tihchhiata kum 1,000 kaltaa sal dinhmuna min dah leh an tum a ni. Mahse, chungte chu kan dodal a ngai a. Kan pawl chakna hmangin an strategy te a hlawhtlin kan remti tur a ni lo,” tiin a sawi bawk.