Bharatiya Janata Party te chuan extremist hlui Bernard N. Mark, party State unit vice-president leh Meghalaya Chief Minister Conrad K. Sangma sawiseltu langsar ber tihchhiat tumtute lakah politics-a phuba lak an intiam.
Marak, Garo hills Autonomous District Council member hi kum 2022 khan Tura bula a farmhouse ah nawhchizawrhna hmun siama puh niin man a ni a.
Kumin inthlanna neih turah BJP te chuan South Tura Assembly constituency Chief Minister constituency ni bawkah an candidate tir dawn a ni. February 2 hian BJP te chuan Meghalaya a an candidate tur 60 te puanchhuahna an nei bawk ang.
‘Amit Shah lakah Congress te lo che tawh’
Party campaign strategy an puannaah BJP general secretary, B.L. Santosh chuan Marak hmingchhe taka dah tumna chu kum 2010-22 a Congress kaihhruai United progressive Alliance sorkar laia Home Minister Amit Shah an beihna nen a inang a ti a.
“Congress tena Amit Shah lung ina an khung ang tho kha a ni a. Mahse, khawiah nge vawiinah Amit Shah a awm, khawiah nge amah tihchhiat tumtute an awm. Marak tihhmingchhiat tum tutute hi zirlai zirtir an ni ang,” tiin a sawi.
Santosh-an mihring hming sawi lan a nei lo chungin BJP te chuan National People’s Party, Sangma kaihhruai an sawina a ni a. Party pahnih te hi Meghalaya Democratic Alliance sorkar a thawk dun mek niin tun tum inthlanah erawh engmah inremsiamna an nei lo.
State BJP President Ernest Mawrie pawhin Santosh thusawi chu thlawpin sorkar chuan Marak chu tihchhiat a tum a ti bawk a.
“Politics-a inbeihna chu politics takin tih mai tur a ni a, Marak leh a chhungte tihchhiat erawh an tum thung a. Keini chuan politics leh democratic tain phuba kan la ang” tiin Santosh chuan a sawi.
Kum 2018 Meghalaya Assembly inthlanah khan BJP ten seat hnih an la a, a hnuah independent MLA in a zawm bawk a.
Nikum chhovah NPP te nena inzawmna a chhe hle a, BJP t chuan sorkar chhuahsanah an vau deuh reng bawk a ni.