May 10-a Karnataka election neih hma lawkin Prime Minister Narendra Modi chuan election rally hnuhnung ber a neihah Congress te chu India atanga Karnataka ‘indantir tum’ tiin a puh a. BJP te chuan Congress leh an president hlui Sonia Gandhi te chu a rally neihnaah ‘sovereignty’ tih tawngkam a hman avangin Election Commission-ah an hek zui nghal bawk.
“Congress te chuan Karnataka hmingthatna, sovereignty leh integrity tihderthawn a phal ngai dawn lo” tiin Sonia Gandhi chuan May 6 khan a tweet a, hei hi BJP leh PM Modi te chuan nasa taka sawiselin an beizui nghal a.
Sonia Gandhi thusawi chu ‘vanduaithlak leh awmang lo’ tia sawi bawkin BJP te chuan Karnataka mipuite ‘India Independence movemnet a hmatawng leh post-independence hnu pawha art, culture, education, industry leh trade lama sulsutu leh hmatawng te’ hmuhsitna leh tihhminghliau tumna tiin an sawi bawk.
“Karnataka hi Union of India a member state pawimawh niin sovereignty humhim tura nawrna hi inlakhran tir tuma nawrna nena thuhmun reng a ni” tiin BJP te chuan an heknaah an tarlang bawk.
BJP te chuan Election Commission chu Congress party registration tihtawpsak turin an ngen bawk a. ‘Sovereignty, Unity & Integrity of India humhim tura thutiam an bawhchhia a ni’ tiin an sawi bawk.
Sonia Gandhi thusawi chu mak leh pawm theihloh tia sawiin Union Minister Shobha Karandlaje compalint thehluttu chuan Model Code of Conduct bawhchhiatna tia sawiin EC chu a laka hremna natak kalpui turin a ngen a ni.
BJP ten EC hnenah Sonia Gandhi hek
