Site icon The Aizawl Post

BJP ten Rahul Gandhi bei zawm zel

BJP president J.P. Nadda chuan Rahul Gandhi chu democracy ramri kham tin kalpela bawhchhe vekah puhin democratic taka amah vai liam a ngai tiin a sawi.
“Democracy a rinna nghat duh lote chuan democracy-ah hmun an nei lo” tiin Nadda chuan BJP youth wing Bharatiya Janata Yuva Morcha tena ‘national Youth parliament’ inkhawmpui an neihah a sawi a.
Congress te hi an mental a bankcrupt tawh, tia sawiin Nadda chuan Rahul Gandhi chuan foreign power heng US leh European union te chu India ram chhung inrelbawlnaah India ramah democracy beihin a awm tia sawiin inrawlh turin a turlui a ni a ti bawk a.
“Rahul Gandhi hian democracy ramri tin a bawhchhe vek” tiin a sawi bawk a. Eng thu nge a sawi tia sawiin Nadda chuan India chuan Rahul Gandhi a ngaithla ngai lo va, a dawh mai chauh a ni a ti bawk a.
“Rahul Gandhi hian a thusawi zahpuiawm tak hmangin India ram democratic value te a hmusit a ni mai lo, kan rama inrawlh turin foreign ram te a phut lui zawk a nia,” tiin BJP president chuan a sawi bawk a.
Congress te thung chuan BJP te puhna chu hnawlin Rahul Gandhi an Parliament a ruling party te sawiselna chhanna hun a ngiat chu an pe duh lo an ti ve thung a.
Congress te chuan BJP te chuan Adani issue lakpen nan Rahul Gandhi thusawi chu a ni lo zawngin an kailek tiin an sawi bawk.
Parliament budget session chuan a thawh hnihna March 13 atanga tan a nih hnuah Rahul Gandhi ngaihdam dilna BJP tena an phut avangin rorel thei lovin a la awm zui ta zel a ni.
UK-a inkawmna an neihah Rahul Gandhi chuan Indian democracy structure chuan beih a tawk mek tia sawiin India rama institution hrang hrang te chu nasa taka beihin a awm mek tiin a sawi a ni.
Rahul Gandhi thusawi hian politics a inbakkaihna siam zui nghalin, BJP te chuan ram pawna India hmel tihbalh tumah leh foreign ram te inrawlh tura sawmah an puh a, Congress te chuan chhang letin Prime Minister Modi ber chuan ram chhung politics ram pawnah a aupui fo an ti ve thung.

Exit mobile version