MP atana BJP candidate kan thlantlin chuan a diltu niloin a petu zawk kan ni thei dawn tih MLA Dr K Beichhua chuan a sawi.
Thawhtannia an party office-a inkhawmah Election Management Committee chairman ni bawk Dr K Beichhua chuan, MLA a tlin tirhin central sawrkar dawrin a kal a, Union Home minister nen an inkawmnaah Mizoram hmasawnna tur leh sawrkar awm dan tur chu MP inthlan hnu sawrkar tharah a lang mai dawn tiin Amit Shah hian a lo chah tih a sawi.
MP candidate-ten thlantlin ni ta se Mizoram tana an thil tih tum an sawi atanga teh loh theih an ni lo, tiin, “Candidate an duh chhan – BJP do duh vanga politics lut leh MP candidate nih duh ngawtte; NDA-a lut lo thei lo, NDA ni chunga a chhung atanga beih duh vanga MP nih duh ngawt te; MP 545 zinga zawlpui neiloa English leh Hindi zuk thiam viau ringawt leh state project bawhzui pui tura inzuarte ang campaign auhla hriat hian, central-a sawrkar leh mai tur BJP candidate kan thlantlin chuan, a diltu niloa, a petu ni thei mai tur hi ngun taka ngaihtuah a ngai,” a ti.
BJP candidate chu duhthusam loh lai tam tak awm thei mah se, Mizoramin hmasawnna kawnga thenawm state-te umpha ve tur chuan BJP candidate kan vote hian kan ram hmalam atan thil tha tak kan siam dawn tih Dr K Beichhua hian a sawi a ni.
BJP thlantlin chuan diltu niloin a petu kan ni thei – DR K Beichhua
