Daily Newspaper

Black Day hmang

12

Sawrkar laipuiin India hmarchhak mipuite duhloh leh dodalna nasa tak lantir chunga Parliament-a a pass luih CitizenshipAmendment Bill 2019 chu an la duh lo reng a ni tih leh, India sawrkarin NE mipuite duhdan a ngaihpawimawh lohzia hriat thar lehna atan North East Students’ Organisation bultumin December 11 khan hmarchhak state pumah zirlai pawlte huaihawtin Black Day hman a ni a, Mizoramah pawh Mizo Zirlai Pawl chuan he ni hi a hmang. Aizawla Black Day hmannaah NESO finance secretary Ricky Lalbiakmawia chuan CAB 2016 chu NE mipui leh zirlai pawlten na taka an dodal avangin sawrkar laipuiin a titlang ngam lo a, centre-a BJP sawrkar thar chuan CAB 2019 tharthawh lehin hei hi pass a ni ta a, Citizenship Amendment Act (CAA) a lo ni ta tih a sawi. “He ni lungchhiat thlak tak hi North East mipuiten kan theihnghilh tawh loh nan leh CAA kan pawm ngai dawn lo a ni tih lantir nan NESO chuan hemi ni hi Black Day-ah a puang a, Black Day hi a pawimawhna hriaa Zoram mipuiten thinlung hmunkhat pu chunga CAA hi dodal zel tur leh ram leh hnam a him theih nan lungrual taka ding za tlat turin Zoram mipuite ka sawm a ni,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy