Daily Newspaper

Blackpink hla thar Aug 28-ah

49

Blinks tan chanchin lawmawm, Blackpink chuan an hla thar tun thla tawpah hian an tichhuak dawn e. Blackpink enkawltu YG Entertainment chuan Twitter-ah, “#BLACKPINK new single (Feat. ?) Release Poster…2020.08.28,” tiin an tweet.

Jisoo, Jennie, Lisa leh Rose te hla thar tur hi a title an la puang lo a, tunge an zaipui tur pawh an la puang lo. Mahse, he hla thar hi August ni 28-ah an tichhuak dawn tih chu a hriat ta. Tunge an thahwpui hi la puang lo mah se fans lam phurna khawp chu a ni tho tho, an inrin siak nghal luih luih a, Ariana Grande leh Selena Gomez ringtu an tam khawp mai.

Blackpink hi tunlai hmeichhe group-ah chuan khawvel al hneh ber an ni a, an hla thar ber ‘How You Like That’ pawhin record hrang hrang a siam a, YouTube-a music video darkar 24 chhunga entu ngah ber niin, ni khat thilthuah vawi maktaduai 86.3 en a hlawh thei a ni.

Hetih rual hian Blackpink debut album tlangzarh tur pawhin ngaihven a hlawh tawh hle a, YG Entertainment chuan Blackpink debut album hi October ni 2-ah an tlangzarh dawn tih an puang tawh bawk a ni.

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy