Lisa, Jisoo, Rose leh Jennie te group BLACKPINK hla hit ‘How You Like That’ chuan Spotify-ah vawi tluklehdingawn stream a hlawh ta a, K-pop girl group zinga hetiang thleng thei hmasa ber an ni. He hla hi 2020-a an tihchhuah kha niin, kum li hnuah Spotify-ah billion stream hi a kai thei ta a ni.
BLACKPINK hi music hmanga record siam lamah an mikhual tawh lo hle a, tuna record an siamna ‘How You Like That’ music video hmang hian Guinness World Record pawh pathum an lo siam tawh nghe nghe a. He video hi YouTube-a an upload atanga darkar 24 chhungin vawi maktaduai 86 en a hlawh hman a, YouTube-a darkar 24 chhunga music video en nasat ber leh YouTube-a K-pop music video darkar 24 chhunga entu ngah ber record te pawh a lo siam tawh. 2023 khan Spotify-a hmeichhe group stream nasat ber record an siam tawh bawk a ni.
BLACKPINK-in Spotify record an siam
