Daily Newspaper

Bllboard Global chart-ah ‘Stay’ leh ‘Bad Habits’ an No.1

7

The Kid LAROI leh Justin Bieber te hla thar ‘Stay’ chu Billboard Global 200 chart No.1 a kai a, Ed Sheeran ‘Bad Habits’ chu a kar li nan Billboard Global Excl. U.S. chart-ah a la No.1 ta zel bawk a, hetihrual hian Lil Nas X leh Jack Harlow te pawh Global 200 leh Global Excl. U.S chart top 10-ah an lang thar ve leh ta bawk.

Billboard Global 200 chart hi kar khat chhunga khawvela huapa hla lar dan tehna a ni a, Billboard Global Excl. U.S. chart hi chu US tel lo, ram dang zawnga kar chhunga hla lar dan tehna a ni ve thung. Chart ranking siam nan hian official-only streams (subscription leh ad-supported audio leh video music services) bakah download sales te chu tehna pawimawh a ni.

Billboard Global 200 chart-ah kar hnih chhung a No.1 hnuah The Kid LAROI leh Justin Bieber ‘Stay’ chu No.1 a kai ta a, he hla hi kar khat chhungin khawvel huapin stream maktaduai 75.1 leh download sales 13,900 a la tling thei a, hei hi chart-ah a No.1 pui ta a ni.

The Kid LAROI tan hi tun hi Billboard Global 200 chart-a a No.1 vawi khatna a ni a, a hmah Miley Cyrus nen ‘Without You’ hla avangin No.10 a lo kai tawh bawk. Justin Bieber ran chuan he chart-a a No.1 vawi hnihna niin, April thla khan a hla ‘Peaches’ featuring Daniel Caesar leh Giveon chu a lo No.1 pui tawh a ni.

The Kid LAROI hi New South Wales a piang leh seilian niin, Australian a piang zingah Billboard Global 200 chart-a No.1 ni thei hmasa ber a ni (Australia a seilian zingah pahnihna a ni ve thung. Auckland, New Zealand-a piang, Melbourne, Australia a seilian, K-pop girl group member Rose chu chart No.1 a lo kai tawh).

Global 200 chart-ah hian Ed Sheeran ‘Bad Habits’ chu No.1 atangin No.2-ah a tawlh a, Lil Nas X leh Jack Harlow ‘Industry Baby’ chu No.3 niin, Lil Nas tan he chart top 10 kai thei hla pahnih a neihna niin, Jack Harlow tan a vawi khatna a ni ve thung. Maneskin “Beggin'” chu No.3 atangin No.4-ah a tawlh a, chart No.1 hlui Olivia Rodrigo’Good 4 U’ chu No.4 atangin No.5-ah a tawlh ve ta bawk.

Billboard Global Excl. U.S. chart-ah Ed Sheeran ‘Bad Habits’ bawk a No.1 leh a, tihian kar li chhung a No.1 tling ta. He hla hi kar khat chhungin US tel lo ram dang zawngah stream maktaduai52.3 leh download sales 23,300 a la tling thei a, hei hi chart-ah a No.1 pui leh ta a ni.

Maneskin “Beggin'” chu No.3 atangin No.2 a kai thar a, chart No.1 hlui BTS ‘Permission to Dance’ chu No.2 atangin No.3-ah a tawlh a, The Kid LAROI leh Judtin Bieber ‘Stay’ chu No.5 atangin No.4-ah a insawn a, Olivia Rodrigo ‘Good 4 U’ chu No.6 atangin No.5 a kai ve leh ta bawk.

Billboard Global 200 Top 10:
1 Stay – The Kid LAROI & Justin Bieber
2 Bad Habits – Ed Sheeran
3 Industry Baby – Lil Nas X & Jack Harlow
4 Beggin’ – Maneskin
5 Good 4 U – Olivia Rodrigo
6 Permission To Dance – BTS
7 Levitating – Dua Lipa Featuring DaBaby
8 Butter – BTS
9 Save Your Tears – The Weeknd & Ariana Grande
10 Kiss Me More – Doja Cat Featuring SZA

Billboard Global Excl. U.S. Top 10:
1 Stay – The Kid LAROI & Justin Bieber
2 Bad Habits – Ed Sheeran
3 Industry Baby – Lil Nas X & Jack Harlow
4 Beggin’ – Maneskin
5 Good 4 U – Olivia Rodrigo
6 Permission To Dance – BTS
7 Levitating – Dua Lipa Featuring DaBaby
8 Butter – BTS
9 Save Your Tears – The Weeknd & Ariana Grande
10 Kiss Me More – Doja Cat Featuring SZA

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy