Daily Newspaper

BMC-in Kangana office an tihchhiat sak

38

Court-in BMC che chhunzawm rih lo turin a ti

Bollywood star Kangana Ranaut leh Maharastra sorkar inbeihna chuan rah duhawm lo a chhuah tan a, Nilaini kalta khan Pali Hill, Mumbai-a Kangana Ranaut office chu Brihan Mumbai Corporation chuan an tihchhiat sak a, Maharastra-a rorel lai Shiv Sena control he civic body hi Maharastra sorkarin a laka phuba lak nan an hmang niin Kangana chuan a puh a, court-ah zual koin, Bombay High Court chuan nimin khan BMC hi che chhun tawh rih lo turin a hriattir a, he thil thleng hi September ni 22-ah an ngaihtuah leh ang.

Kangana hi Sushant Singh Rajput thihna a milar rawn tawng chhuak hmasa niin, Mumbai Police te nen pawh an inchhang lawk hman hle a, hei bakah hian Maharsatra sorkar nen pawh an thu inhmu lovin an inchhang na thak thak hle a ni. Kangana Ranaut rawn tawng chhuah avanga Sushant Singh Rajput case pawh hian ngaihven hlawh lehzual ta a ni.

Kangana, kum 33, hi BJP leh Prime Minister Narendra Modi supporter langsar tak niin, Maharastra-ah hian Congress leh Nationalist Congress Party thlawp Shiv Sena-in ro an rel mek bawk a, hetiang karah hian Kangana chuan Maharastra sorkar hian a laka phuba lak theih dan kawng an dap niin a puh a ni.

Bombay High Court chuan BMC chet dan teh thut chu dik tawk loah an ngai ni a ngaih theih turin judgement an tihchhuahah chuan, “Thawklehkhatah corporation hi zan khat thil thuah an rawn harh chhuak thut niin a lang,” tiin an tarlang a, Kangana hi state pawn lama a awm laia thil thleng niin, corporation hian darkar 24 chhunga insawifiah turin an ti a, ziaka dilna an dawng chung pawhin hun an pek belh duh lo a, darkar 24 ral veleh Kangana Ranaut office tihchhiat hna an tan ta mai niin court chuan a tarlang bawk.

Shiv Sena leh Kangana te inbeihna hi a intanna chu Kangana hian Mumbai chu dan leh thupek kenkawh kawngah an hlawhchham ni a sawiin, Mumbai-a chen pawh a hlauhawm a tih thu a sawi a, Pakistan-Occupied Kashmir nen a tehkhin a ni.

Maharastra home minister Anil Desmukh chuan Kangana chu Manali, Himachal Pradesh-ah cham hlen a, Mumbai-a kir tawh lo se a that zawk thu a sawi ve nghal a, Sena hruaitu dang te pawhin Kangana Ranaut chu ben harh deuh ngaia a hriat thu a sawi ve bawk.

Kangana hian Sushant Singh Rajput thihna chungchanga a tawng chhuah hnu leh a, Shiv Sena nena an buai hnuah vauna a dawng hnem hle a, hei vang hian central sorkar pawhin Y category venhimna a pe ta hial a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy