Bob Marley lema Kingsley Ben-Adir channa, Bob Marley biopic ‘Bob Marley: One Love’ chuan tun weekend kalta khan cinema hall ticket hralhna atangin US-ah dollar maktaduai 28.3 a lalut hman dawn niin an chhut a, he biopic hi weekend hmain ni thum dang an lo chhuah hman tawh bawk a, ni ruk chhung hian US-ah dollar maktaduai 46.2 lalut hman turin an chhut a ni.
He biopic-ah hian Marley leh a backing band The Wailers inlaichin dan te, thah tuma Marley beih a nih hnuah Marley chhungte chanchin thlengin tarlan a ni. He film-ah hian Lashana Lynch chu Rita Marley lemah changin, James Norton-a’n a film hi a produce a ni.
Bob Marley hla te hi US stream tluklehdingawn sarih chuang a tling tawh a, a compilation album ‘Legend’ phei chu Billboard 200 (albums) chart history-a chart-a lang rei ber dawttu niin, kar 821 chhung chart-ah a lang a ni.
Bob Marley: One Love biopic a che tha
