Daily Newspaper

Bolsonaro chhui chian belh dawn

22

Brazil Supreme Court chuan President Jair Bolsonaro an Covid-19 vaccine in Aids vei a tiawlsam tia a sawi chhui chiang turin thutlukna a siam ta a.

Kumin October thla khan Bolsonaro chuan social media-ah Covid-19 vaccine lakin Aids kai a tiawlsam tiin a sawi a, a thusawi avang hian Facebook leh YouTube te chuan fake news policy an neih hmangin an banned phah tawh bawk a ni.

Bolsonaro hi vaccine tha a ngai lo tu langdsar tak niin ualau takin vaccine a duh loh thu a sawi thin a. Tuna a an chhuichianna tur kaihhnawih ni lo, pandemic kaihhnawihah tho chhuichian in a awm mek bawk.

24 October khan Bolsonaro chuan “Covid-19 vaccine la kim tawh te chuan Acquired Immune Deficiency Syndrome (Aids) an vei awlsam zawk tia sawi a ni” tiin a sawi a. A thusawi hi scientists leh medical expert te chuan an hnawl a ni.

Bolsonaro hian tun thlengin vaccine a la duh lo bawk a, a thusawi chungchangah magazine aarticle a chhiar behchhan a nih thu a sawi thung.

Supreme Court Justice Alexandre de Moraes chuan Bolsonaro hian ‘Social network hmangin mass issemination schemes a kalpui a ni’ tia sawih chhui chian a ni ang a ti zui bawk a.

Alexander de Moraes chuan Brazil top prosecutor Augusto Aras chu Bolsonaro thusawi leh amah thlawptu fakne news nasa taka thehdarh avanga chhuichian mek te nen inkaihhnawihna a awm tih chhui chiang turin a ti a ni.

Bolsonaro thlawp te hi local media te chuan Office of Hate group tiin an sawi a, pandemic len laiin information dik lo taka thehdarhin military coup awm se, Bolsonaro chuan Brazil duh ang anga a enkawl theih nan thuneihna tawp chin nei lo nei se an ti a ni.

Heng group te chhui chianna hi kalpui mek zel niin President Bolsonaro thawhpui thahnem tak man an ni tawh a, chung zingah chuan right-wing Brazilian Labour Party head Roberto Jefferson pawh a tel.

Tun hnaiah Bolsonaro chuan sawiselna a tawk nasa hle a, a larna pawh nasa takina tlahniam bawk a. October thla vek khan Brazilian senators te chuan Covid-19 pandemic a hmachhawn danah thubuai siamsak theihna turin vote an thlak bawk a.

Hei hi special Senate investigative panel te chuan thlapw bawkin president Bolsonaro chu ‘crime against humanity’ thubuai siamsak turin an ti bawk. Hetiyhlai hain bolsonaro chuan engmah tihsual a neih loh thu a sawi ve thung.

Covid-19 avanga nunna chan tamber pahnihna chu brazil niin United States chauh a phak lo va. Khawvel pumah Covid-19 avanga nunna chan 615,000 chuang awm tawhin kai 22.1 million chuang an awm tawh bawk a, hei hi la pung zel tura ngaih a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy