Boruak bawlhhlawh zel vangin
primary school zawng zawng khar
National capital Delhi chuan boruak bawlhhlawh a nasat zel avangin primary school zawng zawng a khar vek thu thuneituten an sawi.
Chief minister Atishi Marlena Singh chuan khawpui chhung boruak bawlhhlawh chu meikhu ang maia a zam nasat tawh avangin thuthar a awm hma chu primary school chin khar a nih thu hi sawiin, class-te chu online-a kalpui tur a nih thu a sawi a ni.
Delhi leh a chhehvela boruak bawlhhlawh hi mihringte hriselna atan a him lo hle tawha sawi a ni a, WHO in mihringte tana him chin a sawi aiin a let 50 chuang zetin a bawlhhlawh tawh zawk a ni.
Delhi leh a chhehvel hian kumtin tun ang hun chhoah hian boruak bawlhhlawh an tuar nasa thei hle a, khawpui chhung boruak bawlhhlawh chu meikhu ang maiin a zam chuai reng a ni.
Boruak bawlhhlawh zel vangin primary school zawng zawng khar
