Boruak tha lo avangin school khar chhunzawm
Gurugram leh Faridabad khawpuite chuan pawl 12 zirlaite thlenga school an khar chu nimin thleng khan la khar chhunzawm turin an pawtsei.
Gurugram district commissioner Ajay Kumar chuan he thupek hi pathianni khan a chhuah a, boruak bawlhhlawhin ziaawm lam a la pan theih loh avangin zirna inte chu khar chhunzawm a la nih tur thu a sawi.
Naupang hriselna leh himna tur chu sorkar ngaihtuah leh duh dan a nih thu sawiin, November 18 a thupek a lo siam tawh chu a pawtsei ta zawk a ni.
Hetih lai hian an district chhunga sorkar leh private school te chu online-a class vek turin a hriattir thung.
Faridabad DC Vikram Singh pawhin pawl 12 zirlaite thlenga school chawlh an lo puan hun chu a pawtsei ve bawk a, a awm zel dan tur chu ngaihtuah that a la nih dawn thu a sawi.
Boruak tha lo avangin school khar chhunzawm
