Bob Marley biopic ‘Bob Marley: One Love’ chu North American box office-ah a No.1 a, kar hnih a No.1-na a ni ta. Hetihrual hian Japanese anime ‘Demon Slayer’ leh Hilary Swank channa, sakawh rinna lam kaihhnawih film ‘Ordnary Angels’ te box office top 3-ah an rawn lang thar bawk.
Bob Marley: One Love hian tun weekend kalta khan North America-ah cinema hall ticket hralhna atangin dollar maktaduai 13.5 lalut lehin, a kar hnih nan a No.1 a, he film hian ni 10 chhungin US-ah dollar maktaduai 61.4 leh US pawnah dollar maktaduai 39.7 lalut tawhin, a vaiin dollar maktaduai 101.1 a lalut tling ta.
Japanese anime ‘Demon Slayer: Kimetsu No Yaiba – to te Jashira Training’-in dollar maktaduai 11.5 lalutin No.2 a ni, ‘Ordinary Angels’-in dollar maktaduai 6.5 lalutin No.3 a ni bawk.
Superhero movie Madame Web-in beisei a pha lo telh telh a, dollar maktaduai 6 lalut lehin No.4 a ni a, he film hian ni 10 chhungin US-ah dollar maktaduai 34 a lalut tling ve ta a ni.
January leh February-ah US-a cinema hall sum chevel a tlahniam hle a, hei hi nikum lama strike nghawng zel a la ni a, film thar tlangzarh a tlem a, an tlangzarh tharah pawh budget sang leh ngaihven hlawh deuh a tam vak tlat lo. Mahse, March thla atang chuan hei hian ziaawm lam a pan deuh an beisei a, March ni 1-ah Timothee Chalamet leh Zendaya channa ‘Dune: Part Two’ an tlangzarh dawn a, hei hian cinema hall boruak a rawn vawrh kâng leh deuh turah an ngai a ni.
Box office top 10:
Bob Marley: One Love $13,500,000
Demon Slayer: Kimetsu no Yaiba—To the Hashira $11,575,000
Ordinary Angels $6,500,000
Madame Web $6,000,000
Migration $3,000,000
Argylle $2,800,000
Wonka $2,535,000
The Beekeeper $1,962,113
The Chosen: Season 4 Episodes 4-6 $1,825,115
Anyone But You $1,260,000
Land of Bad $984,000
Box office-ah ‘Bob Marley: One Love’ a la No.1
