Site icon The Aizawl Post

Box office-ah ‘Shazam!’ a No.1

Box office-ah ‘Shazam!’ a No.1
DC leh new Line Cinema siam superhero movie ‘Shazam” Fury of the Gods’ chuan tun weekend kalta khan North America-ah cinema hall ticket hralhna atangin dollar maktaduai 30.5 a lalut a, box office No.1 a ni. Opening weekend sum lakluhah hian a film hmasa zawk, 2019-a an tlangzarh ‘Shazam!’-in dollar maktaduai 53.5 a lalut a, a film chhunzawmna hian beisei pha lo mah se box office-ah a la No.1 pui tho a ni. He film hi marketing tel lovin dollar maktaduai 110 senga siam a ni.
US pawn lamah pawh a che tha vak chuang lo a, ram hrang hrang 78 atangin dollar maktaduai 35 a lalut thei a, tihian opening weekend-a a lakluh zawng zawng chu dollar maktaduai 65.5 a ni.
He film hi David F. Sandberg direct niin, Henry Gauden leh Chros Morgan ten a script an ziak a, Asher Angel leh Zachary Levi te chu Billy Bastson aka Shazam lemah an chang leh a, Djimon Hounson, Helen Mirren, Lucy Liu leh Rachel Zegler te pawh an inlan.
‘Scream VI’-in dollar maktaduai 17.5 lalut lehin No.1 atangin No.2-ah a tawlh a, he film hian ni 10 chhungin US-ah dollar maktaduai 76 a lalut ta, US pawna a lakluh nen chuan dollar maktaduai 116 a lalut tling ve tawh e.
‘Creed III’ pawh a la che tha thawkhat a, dollar maktaduai 15.3 lalut lehin No.3 a la ni a, he film pawh hian kar thum chhungin US-ah dollar maktaduai 127.6 a lalut tling tawh a, US pawnah dollar maktaduai 96.6 lalut tawh bawkin, a vaiin dollar maktaduai 224.3 a lalut tling ta.

Box office Top 10:
1 Shazam! Fury of the Gods $30,500,000
2 Scream VI $17,500,000
3 Creed III $15,372,838
4 65 $5,800,000
5 Ant-Man and the Wasp: Quantumania $4,071,000
6 Cocaine Bear $3,870,000
7 Jesus Revolution $3,500,000
8 Champions $3,030,000
9 Avatar: The Way of Water $1,928,000
10 Puss in Boots: The Last Wish $1,510,000

Exit mobile version