Daily Newspaper

Boyzone film-ah Zayn Malik a chang ang em?

12

Irish boyband an vanglaia hriathlawh tak Boyzone chuan an group chanchin film a siam an tum a, he film-ah hian One Direction member hlui Zayn Malik chu Boyzone member Shane Lynch lemah a chang dawn niin an sawi.

Tunhnaiah rimawi lam atangin Queen biopic Bohemian Rhapsody leh Elton John biopic Rocketman te Hollywood box office-ah a hlawhtling riau a, hei vang hian Sahne Lynch leh a bandmate Ronan Keating, Keith Duffy leh Mikey Graham te pawh an group chanchin behchhan movie siam hi an phur ta riay a ni.

Shane Lynch chuan he biopic-ah hian Ireland-a an indin tan dan leh hlawhtling tura an thawhrimna te leh an hun hmasalam an tarlang dawn niin a sawi. Boyzone hi 1993 khan din a ni a, X Factor judge Louis Walsh chu an manager niin, chatuan ram pan tawh Stephen Gately pawh an original line up a ni.

Boyzone hian an rimawi career-ah singles 30 vel an tichhuak hman a, an hla hit hmasa chu ‘Working My Way Back To You’ kha niin, studio album pasarih an tichhuak hmang a, ‘Said and Done,’ ‘A Different Beat,’ ‘Where We Belong,’ leh ‘Brother’ te chu chart No.1 an kai.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy