Daily Newspaper

Brahmaputra hnar khuahah China in rawn dawn

10

China chuan Yarlung Tsangbo river (Brahmaputra hnar) a Dam a siam dawn a nih chuan a khawih theih ram te India, Bangladesh te duhdan a ngaihtuah hmasak tur thu Chinese official chuan New Delhi-ah a sawi.

Thawhtanni khan Chinese state media-te chuan China-a Yarlung Tsnagbo river ah 60 gigawatts (GW) hydropower pechhuak thei khuah a tum niin a tarlang a ni.

He report hian India leh Bangladesh te chu hlauthawngin a siam nghal a, Chinese project hi kalpui tak taka zawhfel a nih chuan tuilian thut bakah lui tui tlem nasa tak an tawn an hlau a ni.

New Delhi-a Chinese embassy official Ji Rong chuan Yarlung Tsangbo khuah tum chu ruahmanna tur siam chauh a la ni mek tiin a sawi a.

“Eng project pawh kalpui dawn ila scientific planning leh a nghawng tur te uluk taka chhut vel vek ngai niin a khawih theih ram te ngaihtuah vek a ni ang,” tiin thuchhuah siamin Ji Rong chuan a sawi.

Brahmaputra hi India rama lui lian ber leh pawimawh ber niin India northeast chu paltlangin chumi hnuah Bangladesh-ah a luang lut a ni.

China hmalakna laka inven nghal nan hian India chuan Arunachal Pradesh-ah 10 GW hydropower project khuah a tum niin Indian official te chuan an sawi zui nghal bawk a.

Nuclear nei ram lian pahnih India leh China te hi tun hnaiah Himalayan ramri-ah nasa taka inngurin khawvawt hnuaiah ramriah sipai sang tam tak an la chhekkhawl ve ve mek a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy